Einsýnt

Liggur beinast við að Geir H Haarde sæki um og fái starfið.

Stóll seðlabankastjóra laus

Athugasemdir

[Jósef Smári Ásmundsson, 2.6.2014 kl. 13:08]

Ég held að Geir hafi ekki menntunina til þess Heimir. Það er mikilvægt að starfið sé auglýst og krafa sé gerð um hæfi umsækjenda. Ég hef svo sannanlega ekkert á móti Geir en þetta starf er ekki pólitískt og þessvegna á að ráða fagmann í það. Og ekki blanda pólitíkinni þar inn í.

[hilmar jónsson, 2.6.2014 kl. 13:30]

Það er allavega að losna staða Þjóðleikhússtjóra, svona ef hitt klikkar.

[Jósef Smári Ásmundsson, 2.6.2014 kl. 13:46]

Ja Geir er söngmaður mikill Hilmar svo kannski er það nóg til að verða Þjóðleikhússtjóri.

[G. Tómas Gunnarsson, 2.6.2014 kl. 14:53]

Ég leyfi mér að efast um að Geir sæki um starfið, en menntunina hefur hann tvímælalaust og reynsluna.

Geir er menntaður hagfræðingur í Bandaríkjunum, með B.A. próf frá Brandeis háskóla.  Síðar tók hann M.A. próf í alþjóða samskiptum frá John Hopkins háskólanum og M.A. próf í hagfræði frá háskólanum í Minnesota.

Geir var farsæll fjármálaráðherra og stóð sig vel í því starfi.  Forsætisráðherraferli hans lauk hins vegar með snautlegum hætti líkt og flestum er kunnugt.

Enn er mér ekki kunnugt um neinn Seðlabankastjóra á Íslandi, þar sem pólítík hefur ekki blandast inn í ráðninguna.  Þar undanskil ég ekki Má Guðmundsson, sem situr þar nú.

[Jósef Smári Ásmundsson, 2.6.2014 kl. 16:09]

Nú ég hef eitthvað klikkað á menntuninni hjá Geir. Sé ekki betur en hann sé vel hæfur. Ef auglýst er eftir manni í starfið og allar reglur hafðar í heiðri varðandi hæfi og nám við ráðningu gæti hann alveg komið til greina. Hann myndi þá vera ráðinn á faglegum grunni en ekki pólitískum.

[Heimir Lárusson Fjeldsted, 4.6.2014 kl. 10:26]

Jósef Smári, líklega hefur Geir betri menntun á þessu svið en flestir aðrir sem til greina koma. Þá skemmir reynsla hans ekki.