Ekki segja satt

Alþingismenn þola sannleikann misvel. Þeim ofbýður framkoma Gunnars Braga Sveinssonar í greinargerð með tillögu um að halda okkur í raunveruleikanum og draga umsókn um ESB-aðild til baka, sem fengin var með ofbeldi á Alþingi.

Staksteinar Morgunblaðsins orða þetta vel:

 

"Spurningar spunakonu

Laugardagur, 1. mars 2014

Katrín Júlíusdóttir á stórleiki þessa dagana. Hún fer nú til dæmis fram á að utanríkisráðherra rökstyðji þá afstöðu sína að ekki hafi í raun verið meirihlutavilji á Alþingi fyrir umsókn um aðild að ESB 16. júlí 2009, heldur hafi umsóknin verið hluti af pólitísku samkomulagi stjórnarflokkanna. Og hún spyr hver meirihlutaviljinn hafi verið.

 

Þetta er með miklum ólíkindum en hluti af hinum ógeðfellda spuna sem haldið hefur verið uppi frá því snemma árs 2009. Fyrir liggur að VG keypti sig inn í ríkisstjórn með því að fórna þeirri grundvallarstefnu sinni og loforði að vilja ekki aðild að ESB.

 

Þetta er margyfirlýst og kom meira að segja fram í atkvæðaskýringum þennan stóra svikadag.

 

Svandís Svavarsdóttir fór þá ítarlega yfir það hve sannfærð hún væri um að Ísland ætti ekki að ganga í ESB en greiddi svo atkvæði með umsókn.

 

Álfheiður Ingadóttir sagðist vera „eindreginn andstæðingur þess að Ísland gangi í ESB“ en sagði já.

 

Katrín Jakobsdóttir núverandi formaður flokksins, sagðist telja hagsmunum Íslands betur borgið utan ESB en innan og sagði svo já.

 

Þetta eru aðeins þrjú dæmi um þingmenn sem fóru gegn sannfæringu sinni til málsins og ef þeir hefðu ekki gert það hefði Ísland ekki sótt um aðild."

 

„Við eigum að vera hér fyrir fólkið“