Saftið - ég á varla orð

Í mínu ungdæmi var saft kvenkyns. Framfarir í menntamálum hefur gert saftina að hvorugkynsorði, a.m.k. á mbl.is.

Bieber háður íslensku hóstasafti

Athugasemdir

[Sigurbjörg Eiríksdóttir, 21.1.2014 kl. 08:51]

Mitt ungdæmi var á svipuðum tíma og hjá þér og þá var saft kvenkyns :-)

[Heimir Lárusson Fjeldsted, 21.1.2014 kl. 10:54]

mbl.is lætur ekki deigan síga í móðurmálskennslunni.

[Leifur Finnbogason, 23.1.2014 kl. 23:22]

Í ritmálsskrá Orðabókar Háskóla Íslands er orðið "saft" til í bæði kvenkyni og hvorugkyni og aldagömul dæmi til um orðið, hvort heldur í hvorugkyni eða kvenkyni. Það er að sjálfsögðu bara ritmálsskrá en mbl fann ekki óvitandi upp hjólið þó orðið hafi verið haft í hvorugkyni, sem virðist þó óalgengara. Sjálfur ólst ég upp við að orðið væri í hvorugkyni, þannig er mín málvitund, þó mig rámi nú í það við nánari íhugun að almennt hafi verið talað um "berjasaftin" og svo "hóstasaftið". Kannski tók ég bara óvart villu inní vitund mína, þó ég sé sannarlega ekki sá fyrsti til (þannig þróast jú tungumál). Annars tölum við öll óásættanlega íslensku, enda leynast í málvitund allra fyrrum málvillur sem þykja ekki lengur villur, hvort sem 90 eða 900 ár hafi liðið síðan viðkomandi málfar taldist málvilla. Ég skil þó vel að það sé auðvelt að sjá einhvern breyta gegn sinni vitund og mála viðkomandi sem kjána. Það er alþjóðleg tvístrandi dægradvöl.