Lögbrot

Hélt að ekki væri búið að breyta reglum um hundahald í Reykjavík. Hingað til hefur verið bannað að vera með hunda í miðborginni, líka í taumi. Jón Gunnar Kristinsson borgarstjóri sést iðulega með hund í eftirdragi í miðborginni og núna hefur Karl Th. fengið samþykki loggæslunnar fyrir samskonar athæfi.

Vinsamlegast leiðréttið mig ef ég fer með rangt mál. 

Rottweiler elti Karl og Kát

Athugasemdir

[Axel Jóhann Hallgrímsson, 2.2.2013 kl. 11:52]

Oft snýst spurninginn um það hvor endinn á taumnum stjórnar ferðinni og blessunarlega er vitið oft meira í framendanum. Þar sem ég þekki ekki hund borgarstjórans veit ég ekki hvort það er þannig í þeirra tilfelli.

Það er eins fólk skilji skynsemina oft eftir heima eða skorti hana hreinlega alveg. Konu einni mætti ég nokkrum sinnum með 5 hunda í taumi af öllum stærðum og gerðum. Hún réð auðvitað ekkert við hundana, þeir fóru sínu fram, en áfram var böðlast. Hvernig dettur t.d. fullorðnu fólki í hug að senda börn ein út með hunda sem það á sjálft fullt í fangi með að hemja?

[Heimir Lárusson Fjeldsted, 2.2.2013 kl. 11:58]

Axel, það virðist alltof algengt að fólk heldur hund(a) sem leikfang.

Í Reykjavík eru reglur um hundahald sem flestir fara eftir.

Borgarstjórinn gerir það ekki, frekar en að fara í sturtu og þvo sér rækilega á tilgreindum stöðum áður en hann fer í sund.

Hann fer alklæddur útí og fær það vegna stöðu sinnar.

[corvus corax, 2.2.2013 kl. 17:29]

Það er einfalt mál að leysa þetta eilífa vesen með hunda eða öllu heldur hundaeigendur, bara nema úr gildi allar undanþágurnar og banna hundahald aftur með öllu í borginni. Hundaeigendur hafa margsinnis sýnt og sannað að þeir eru ekki hæfir til að halda hunda. Brjóta allar reglur, t.d. má ekki vera með hunda á Laugaveginum en maður fer ekki svo þangað að maður mæti ekki fleiri en einum hundaeiganda með hund einmitt þar. Kona ein kom í bakarí þar sem ég var staddur og hélt á hundi. Afgreiðslustúlka benti henni réttilega á að hún mætti ekki vera með hundinn inni í bakaríinu. Konuheimskinginn svaraði, "já, en ég held á honum". Ætli sé í lagi að koma með hest inn í bakarí ef maður heldur á honum? Ef maður bendir hundaeiganda á að hann eigi að hafa hund í bandi fær maður undantekningalaust yfir sig svívirðingar og jafnvel hótanir, blót og formælingar og yfirlýsingu um að það komi manni ekki við. En það kemur almenningi einmitt við hvort hundaeigendur fara að reglum eða ekki. Þeir örfáu hundaeigendur sem líða fyrir heimskingjana og hrokagikkina í hópnum gætu einfaldlega þurft að sætta sig við bann við hundahaldi í framtíðinni. Svo er eftirlitsþátturinn kapítuli útaf fyrir sig. Eftirlitið er nánast ekkert og ef þörf er á hundaeftirlitsmanni er hann undantekningalaust ekki við, í fríi eða einfaldlega sinnir ekki "svona" málum. Og lögreglan ...það vita nú allir hvernig hún er, ónýt og ónothæf til allra verka.