Aldrei átt forseta

Þetta er  hrikalegt. Seinni hálfleikur ævinnar senn flautaður af og engan hef ég forsetann átt. Fyrst brást vonin um sr. Bjarna, þá Gunnar svo Albert og síðast Pétur Kr. og enn sígur á ógæfuhliðina.

Karlinn suður á Bessastöðum hefur dregið svo á langinn að svara um einlæga ætlun sína að enginn hefur treyst sér til að gefa kost á sér. Hann hefur vitandi vits dregið þjóðina á asnaeyrunum. 

Ólafur Ragnar gefur kost á sér

Athugasemdir

[Eyjólfur Jónsson, 4.3.2012 kl. 14:58]

Sæll Heimir, jú þú hefur ennþá möguleika á að "eignast" forseta og margir gefa kost á sér. Af hverju ekki bara vera forseti yfir sjálfum sér og láta hina leika sér.

[Heimir Lárusson Fjeldsted, 4.3.2012 kl. 15:08]

Hver er kóngur í sínu ríki.

[Kolbrún Hilmars, 4.3.2012 kl. 15:19]

Heimir, þú hefur greinilega alltaf veðjað á skakkan hest :)

En hvenær var Albert í boði?

[Axel Jóhann Hallgrímsson, 4.3.2012 kl. 15:29]

Ég hef heldur aldrei átt forseta þó ég hafi kosið þann sem var kjörinn. Er forsetinn ekki þjóðarinnar?

[Ásthildur Cesil Þórðardóttir, 4.3.2012 kl. 15:37]

Var ekki Albert í framboði móti Kristjáni Eldjárn minnir það. 

[Magnús Óskar Ingvarsson, 4.3.2012 kl. 15:48]

Ásthildur: Nei, Gunnar Thor var í framboði á móti Kristjáni Eldjárn. Þeir voru bara tveir í framboði. Albert Guðmundsson var í framboði á moti Vigdísi ásamt Guðlaugi Þorvaldssyni og Pétri Thorsteinssyni sendiherra.

[Ásthildur Cesil Þórðardóttir, 4.3.2012 kl. 15:52]

Já alveg rétt.  Man þetta núna.

[Kolbrún Hilmars, 4.3.2012 kl. 16:09]

Já, ég man þetta líka núna. En aðalbaráttan stóð um Vigdísi og Guðlaug. Hinir tveir voru aðeins til uppfyllingar.

[Ásthildur Cesil Þórðardóttir, 4.3.2012 kl. 16:42]

Já man það líka Pétur var eitthvað óhress með baráttuna.  Fannst hann settur hjá í umræðunni.

[Heimir Lárusson Fjeldsted, 5.3.2012 kl. 09:09]

Ėg hélt med sr. Bjarna, hafði ekki atkvæðisrétt, kaus, Gunnar Thoroddsen í sendiráðinu í Kaupmannahöfn, kaus Albert Guðmundsson vin litla mannsins og Pétur Kr. Hafstein vegna þess hve hann er fágaður og 100%.

Vigdís var fljót að læra, enda naut hún leiðsagnar sr.Halldórs Reynissonar og Davíðs Oddssonar.