Lögreglumaður skemmtir sér.

Áfallahjálp fyrir leigubílstjóra í boði? Ekki vanþörf á sbr.:

 

"Leigubílstjóri ók pari úr vesturbæ Reykjavíkur að Þverási í Reykjavík um miðja helgarnótt. Konan nuddaði og suðaði í karlinum alla leiðina og var hann orðinn nokkuð uppiskroppa með þolinmæði þegar á leiðarenda kom. Henni var gert að greiða akstursgjaldið og hugðist hún gera það með korti. Á álagstímum getur tekið nokkra stund að fá viðbrögð kerfisins við beiðni um millifærslu fjár frá einum reikningi til annars, sem stundum endar með höfnun vegna álagsins. Hefur bílstjórum þá reynst drjúgt að renna kortinu aftur í gegn og gengur millifærslan þá yfirleitt fljótlega fyrir sig. Konunni var gerð grein fyrir þessu, en óþolinmæði hennar var mikil og strunsaði hún úr bifreiðinni áður en niðurstaða var fengin í mál hennar.

Snaraðist bifreiðarstjórinn þá út úr bifreiðinni og bað konuna að koma aftur svo ljúka mætti við greiðsluna. Brást konan hin versta við og sagðist aldrei hafa áður upplifað aðra eins þjónustu og ekki kynnst meiri fávita en téðum bifreiðarstjóra. Lagði hún áherslu á orð sín með kröftugu sparki í hurð bílsins svo að sér á.

Karlinn brást hinn versti við þegar bílstjórinn svaraði konunni skammar- og fúkyrðum konunnar og sagði bíslstjóranum að grjóthalda kjafti "ella hefur þú verra af helvítis fávitinn þinn" bætti við "ég lem þig í spað".

"Nú er tími til kominn að kalla til lögreglu" sagði bílstjórinn og var orðinn verulega skelkaður. "Kalla á lögreglu fáránlega fíflið þitt, ég er lögreglumaður og komdu þér út úr bílnum svo ég geti barið þig. " "Keyrðu aðeins neðar í götuna og drullastu svo út úr bílnum".

Frekari orðaskipti urðu ekki af hálfu bílstjórans, en skömmu síðar hringdi lögreglumaðurinn ógnandi með ámóta hótanir. Nokkur orðaskipti urðu með sms sem bifreiðarstjórinn geymir.

Stuttu síðar lauk hann vaktinni í háönnum því svo var hann miður sín af hótunum löggæslumannsins orðhvata og sterka."

 

Stefán Eiríksson getur varla verið ánægður með þennan starfsmann sinn. 

Flugfarþegar fengu áfallahjálp

Athugasemdir

[Viggó Jörgensson, 20.9.2011 kl. 13:45]

Það er borgaraleg skylda þín að kæra þetta Heimir.

Svona aumingja þarf að hreinsa út úr lögreglunni.

Hvernig heldurðu að hann komi fram við okkar minnstu bræður.

Þegar enginn sér til?  

[Heimir Lárusson Fjeldsted, 20.9.2011 kl. 15:23]

Menn þessarar gerðar sem hóta samborgurum sínum líkamsmeiðingum hljóta að hafa fengið ýmsu framgengt á þann hátt. þeir eru hættulegir.

[Heimir Lárusson Fjeldsted, 20.9.2011 kl. 15:31]

Mér er kunnugt um að viðkomandi er skíthræddur við hefndaraðgerðir lögregluþjónsins. Hann hefur nafn hans og kennitölu ásamt sömu upplýsingum um "kærustuna".

[Heimir Lárusson Fjeldsted, 20.9.2011 kl. 19:00]

Það vantar í frásögnina af barsmíðum hans á bílinn þegar hann lagði áherslu á orð sín um líkamsmeiðingar.

[Sigurbjörg Eiríksdóttir, 20.9.2011 kl. 21:29]

Ótrúlegt er Ísland í dag. Þetta er ömurlegt bara.

[Viggó Jörgensson, 21.9.2011 kl. 21:15]

Kærum á lögregluþjóna

á að beina til ríkissaksóknara. 

Engin ástæða til að óttast neitt. 

Láta fjölmiðla fylgjast með framvindunni.

[Heimir Lárusson Fjeldsted, 22.9.2011 kl. 08:35]

Mér er sagt af atvinnubílstjóra að það sé á við ósk um sektir fyrir umferðalagabrot í stórum stíl að kæra lögregluþjón. Hann hafi starfsbræður sína með sér til að bera ljúgvitni. Að sögn var umræddur hrotti ekki sannleikselskandi...