Ýmsu er leynt í henni veröld

Mér  varð ekki um sel þegar ég hlustaði á silfur Egils í gær. Össur Skarphéðinsson lét gamminn geysa og sparaði hvergi hól til sín og sinna. Hann talaði af áfergju um aðildarumsókn okkar að Evrópusambandinu eins og þjóðin væri einhuga í því máli. Egill talaði ekki máli okkar sem erum á móti og ég taldi að andstæðingur aðildar fengi að tala okkar máli í næsta þætti. Nei, enginn þáttur fyrr en í haust upplýsti ríkisstarfsmaðurinn Egill Helgason.

Össur komst meðal annars upp með það í þættinum að segja mótbárur annarra við aðild vera "vitleysiskenningar".

Eftir þáttinn velti ég því fyrir mér hvort Samfylkingin hafði kostað þáttinn enn einu sinni, eða áráóðursdeild Efnahagssambands Evrópu.

Leyndi meðgöngunni í 8 mánuði

Athugasemdir

[Guðjón Sigþór Jensson, 23.5.2011 kl. 18:37]

Því miður skrotir Egil hugrekki að stoppa menn af þegar þeir vaða í villu. Mér þótti ömurlegt þegar hann var með s.l. vetur aldurhniginn náttúrufræðing dr.Pétur Jónasson fyrrum prófessor við Kaupmannahafnarháskóla í viðtali. Þegar gamli maðurinn hóf raust sína gegn barrtrjám í Þingvallaskógi og fór mikinn átti Egill auðvitað að stoppa hann af og spyrja eiginlega hvort þetta væri í raun svona slæmt. Margsinnis hefur verið bent á, að þessi rök dr. Péturs byggjast ekki á neinni skynsemi né vísindalegum rökum en fremur tilfinningum. Niturmengun verður aldrei í íslenskum jarðvegi vegna barrtrjáa. Efnasamsetning jarðvegsins á Íslandi  bendir til að nitur sé af mjög skronum skammti við náttúrulegar aðstæður og barrtré eru ekki aflögufær til að láta frá sér nitur. Það hafa niðurstöður dr.Bjarna Diðriks Sigurðssonar prófessors á Hvanneyri leitt í ljós.

Mér finnst að þáttastjórnendur þurfi stundum að að stoppa menn af og beina umræðunni að skynsamlegum sjónarmiðum málefnanna.

Össur fer að jafnaði mikinn og vantar auðvitað gott aðhald.

Mosi

[Heimir Lárusson Fjeldsted, 24.5.2011 kl. 07:18]

Hefði ekki verið rét að hafa andmælanda?