Næsti eigandi Fríkirkjuvegs 11 byrði á skattgreiðendum?

Ég keyri oft framhjá Fríkirkjuvegi 11 og alltaf dáist ég að þessu húsi og ekki síður stórhug Thors Jensen sem lét byggja það fyrir sig og fjölskyldu sína.
Nú hefur það verið auglýst til sölu og bárust fjögur tilboð í það eftir því sem mér skilst.
Útboðsskilmálar voru ekki umfangsmiklir og eins saknaði ég, en það er að væntanlegur kaupandi eigi að greiða skatta og skyldur hér á landi.
Mér hugnast ekki menn sem koma sér hjá að greiða skatta og útsvar með því að skrá lögheimili sitt erlendis og greiða þar opinber gjöld, en láta okkur láglaunafólkið standa straum af öllum kostnaði við rekstur borgarinnar og ríkisins.
Jón Ólafsson er dæmigerður betlari af þessari gráðu. Hann nýtur góðs af skattgreiðslum eldri borgara og öryrkja og skammast sín ekki einu sinni.
Ég hef grun um að hæsta tilboðið í Fríkirkjuveg 11 eigi einn slíkur sem lifir á öreigum borgarinnar.