Catalinusyndaaflaus með sveig

Steingrímur J. er kannski loksins að sjá ljósið. Hann gerir sér grein fyrir að minni skattheimta eykur umsvif og þar með tekjur ríkissjóðs. Það er ekki víst að Jóhanna sjái það sama og Steingrímur.

Annars má benda Steingrími á fjáröflunarleið sem honum hefur líklega yfirsést. Í sandkorni DV í dag er greint frá því að karlar streyma nú  til saksóknara og fá uppáskrifað að þeir hafi ekki átt viðskipti við Catalinu Ncogo. Það má því ætla að innan skamms teljist enginn maður með mönnum nema geta flaggað plaggi þess efnis að hann hafi ekki lagst með Catalinu.

Það má gera ráð fyrir að karlar á Catalinualdri séu um 110 000 á landinu. Ef bara helmingur þeirra greiðir 5000 krónur fyrir Catalinusyndaaflaus fær Steingrímur 275.000.000 króna í kassann.

Auka má tekjurnar með ýmsum útfærslum eins og:

Catalinusyndaaflausn með sveig kr. 10.000, í ramma kr. 15.000 og í ramma með sveig kr. 20.000.

Málaferlin standa að líkindum í tvö til þrjú ár og má því ætla að viðskiptin verði blómleg.

DV í dag: 

"Mál Catalinu Ncogo er með þeim allra dularfyllstu. Mikil leynd hvílir yfir því hvaða einstaklingar hafa verið dæmdir sekir í málinu. DV upplýsti á mánudaginn að átta viðskiptavinir hennar væru saklausir vegna þess að viðskiptin áttu sér stað áður en ný lög um hórur og hórkarla tóku gildi. Dæmi eru um að þeir einstaklingar sem í hlut eiga hafi fengið uppáskrifað vottorð frá saksóknara um að þeir séu ekki grunaðir í málinu eða vitni.!"

 

Skattalækkun eykur umsvif