Sá er þetta færir til bloggs er ekki sá hinn sami og gegndi ...

4.11.2010 | 18:59

Sá er þetta færir til bloggs er ekki sá hinn sami og gegndi embætti umhverfisráðherra á tímum allsnægta á Íslandi

STAKSTEINAR

"Þriðja persónan

Fimmtudagur, 4. nóvember 2010

Ríkisstjórnin lýtur forystu tveggja ráðherra. En stundum mætir þriðja persónan óvænt til leiks. Steingrímur hefur til þessa gengið erinda erlendu rukkaranna í Icesavemálinu. En nú hefur þriðja persóna blandað sér í málið og sagt að það gæti orðið jólagjöf ríkisstjórnarinnar til þjóðarinnar.

Á meðan niðurskurður í velferðarmálum var kynntur og hengingarólin hert að hálsi landsbyggðarinnar heyrðist ekkert í þriðju persónunni.

En þegar skoðanakönnun sýndi að fylgið hryndi af Samfylkingunni lét þriðja persónan í sér heyra frá útlöndum. Könnunin sýndi, sagði hún, að hætta yrði að mestu við niðurskurðinn.

Þriðja persónan í forystusveitinni tekur hlutverk sitt svo alvarlega að hún talar oftast um sig í þriðju persónu. „Sá fyrrverandi formaður SF sem hér talar...“ „Gamli umhverfisráðherrann fyrir framan þig...“ „Utanríkisráðherrann sem fer með málið og hér stendur...“

Og meira að segja í návist ljóss heimsins og leiðtoga lífsins, stækkunarstjórans sjálfs, var talað þannig: Sá utanríkisráðherra sem hér vélar um mál... En stækkunarstjórinn, sem var staddur þarna í eigin persónu, sagði við þann í þriðju persónu að allt sem sagt væri um samningaviðræður og undanþágur frá reglum Evrópusambandsins væri blekkingar.

Það var ekki beysið upplitið á þriðju persónu þegar talað var við hana í fyrstu persónu af annarri persónu sem vildi ekki taka þátt í ruglinu."

Svo mælti hann Staksteinar í dag.

Flokkur: Dægurmál | Facebook