Verða Davíð, Styrmir og Jónína kölluð fyrir?

Af ummælum verjenda Baugs að dæma og almenningsálitsins sem matað hefur verið ótæpilega af Baugsmiðlinum að meðtöldu Útvarpi Sögu eru þau Davíð, Styrmir og Jónína aðalhvatamenn að Baugsmálum svokölluðum.
Verjendur hljóta því að kalla þau fyrir sem lykilvitni og síðar sakborninga í "aðförinni" að Baugi.
Verjendur hljóta að nota tækifærið og stilla þeim upp að vegg og láta þau eiðsvarin að sjálfsögðu, svara til um hvað þeim gekk til að sverta mannorð sakborninganna á svo svívirðilegan hátt. Að láta draga saklaust fólkið fyrir rétt og bera þau sökum um að draga sér fé af meðeigendum sínum og stela virðisaukaskattinum sem alþýða manna hafði staðgeitt í verslunum Bónuss, 10-11, Hagkaupum og öllum hinum.
Slíkt fólk þ.e. Davíð, Styrmir og Jónína á auðvitað að ákæra fyrir að minnsta kosti atlögu að æru vandaðs verslunarfólks og ekki síst þaulvans kjötfarssala.
Við þurfum auðvitað ekki að skora á Jón Ásgeir að kæra Davíð því svo oft hefur hann hér á landi og erlendis fullyrt að hann sé rótin að vanda hans fyrir dómstólum.

Fjölgar á vitnalista í Baugsmáli