Við þurfum nýja og manneskjulegri borgarstjórn

Borgarstarfsmenn hafa aldrei nokkru sinni mætt framkomu borgaryfirvalda sem meirihlutinn sínir starfsmönnum OR.  Harka og mannfyrirlitning hefur aldrei verið á borðum borgaryfirvalda fyrr en Samfylking og Bf. hafa dekkað sitt borð og sýnt starfsmönnum borðbúnaðinn.

Ef fréttamenn hafa áhuga á að kafa í málið þá þarf ekki annað en að hafa samband við STRV og fá það staðfest að svona framkoma er óþekkt með öllu.

Samfylkingin hlýtur að skilja að hún verður að ganga hægt og varlega um sali. Hún galt afhroð í síðustu kosningum og ætti alls ekki að setja sig á háan hest.

Á BF er ekki orðum eyðandi. 

Hörð umræða um uppsagnir hjá OR

Athugasemdir

[Óskar Arnórsson, 19.10.2010 kl. 19:40]

Voðalega ertu ergilegur kallinn minn...Borgaraflokkurinn mun taka yfir þingið í næstu kosningum og liklega verða í meirihlutastjórn... :) Þá á að flengja alla forstjóra OR opinberlega á hverju ári og hætta ekki fyrr enn málin eru komin í lag...

[Heimir Lárusson Fjeldsted, 19.10.2010 kl. 19:49]

Þú ert kæruleysið uppmálað Óskar:)

[Óskar Arnórsson, 19.10.2010 kl. 20:06]

Við eru vinir, er það ekki? :) hehe... Ég þarf að biðja Jón Gnarr að bjóða þér upp á hressandi kaffibolla. Léttur brandari með. Enn í alvörunni. Landið er allt rænt og skrúfað sundur og flutt úr landi í bitum. Kommon! Hver á að vera kurteis við hvern?

Kjartan Magnússon var bossinn í OR og hvað gerði hann af sér? Var hann ekki í réttu liði? Það er engin hætta á öðru enn að Jón Gnarr og kompaní viti ekki nákvæmlega um allt drullumall REI og GGE. Ég held að Kjartan hafi verið notaður, hann ekki fattað það og nú er hann bara að halda andlitinu. Ég held að hann sé stálheiðarlegur. Bara einfaldur, og það er engin glæpur.

Allur mafíupakkinn eins og hann leggur sig. Það tekur bara tíma að laga spillingu sérstaklega þegar megnið af stjórnendum hafa ekki gáfur til að skilja hversu spilltir þeir hafa verið. Hugtakið hvað er að hafa "góð sambönd" á íslandi þýðir að vera í "vafasamum félagsskap" í öðrum löndum.

Vonadi verða Sjálfstæðismenn allir nógu gamlir svo þeir nái því að verða fullorðnir. :)

[Heimir Lárusson Fjeldsted, 20.10.2010 kl. 08:51]

OR-bruðlið er komið frá R-listanum gamla.

Kjartan er vandaður maður til orðs og æðis, hörku greindur og vill hvers manns vanda leysa. Hugmynd starfsmanna um skert vinnuframlag er mun gáfulegra en uppsagnir og mannorðssvipting Gnarrista hinna trúlausu.

Ekki láta glepjast Óskar minn af hressandi kaffi og léttum bröndurum á meða handlangarar vinna skítverkin;)

[Óskar Arnórsson, 20.10.2010 kl. 19:14]

"Gnarrista hinna trúlausu". Þannig er það Heimir. Jón Gnarr er vandaður maður. Hann þekkir rétt frá röngu. Þessi Kjartan lét kanski nota sig og kanski var honum sparkað af einhverjum sem einmitt þoldu ekki að hann væri heiðalegur. Hann væri þá ekki fyrsti maðurinn sem fengi svoleiðis útreið. Það er ekki pláss fyrir heiðarlega á mörgum stöðum á Íslandi í dag. þeir eru svo óþægilegir og trufla spillingunna of mikið.

Ég læt ekkert glepjast af neinu í þessu máli. Þekki mikilvægan hluta þess fyrir tilviljun og hafði enga aðstöðu eða áhuga á að gera neitt í neinu. Ég myndi kalla það sem ég sá: "Glæp í framkvæmd".

Af hverju tala allir um einhverja flokka og lista? Það kemur þessu ekkert við. Eru það ekki bara kristnir á Íslandi sem eru að gera allt vitlaust? Eða kaðólikkar? Jón Gnarr varð kaðólikki einhvern tíma og svo læknaðist hann. Ekki er ég að erfa það við hann. Allir gera einhverntíma mistök...

Já, eiginlega skil ég ekkert af hverju OR er ekki sett í gjaldþrot og fyrirtækið skipulagt upp á nýtt... :)

[Hamarinn, 20.10.2010 kl. 20:14]

Ef ég man rétt þá tapaði hinn Guðdómlegi og syndlausi flokkur sjálfstæðisflokkurinn 2 mönnum, en samfylkingin 1.

Hvor tapaði meiru?