Þau skilja ekki fyrr en skellur í tönnum

Það er sorglegt að fólk þurfi að grípa til örþrifaráða til að ná athygli stjórnvalda.

Ríkisstjórn búsáhaldabyltingarinnar nýtur ekki trausts og á að fara umsvifalaust frá völdum.

Byltingin étur börnin sín. 

Eggjum rigndi yfir þingmenn

Athugasemdir

[Gísli Sigurðsson, 1.10.2010 kl. 14:35]

Það er sorglegt að til þessa skuli þurfa að koma, en ég skil fólkið mætavel. Þessi ríkisstjórn virðist vera jafnhandónýt og sú sem á undan henni sat. Eini munurinn á þeim er að sú fyrri var brunalið en þessi er að rembast við að vera slökkvilið.

[Gunnar Heiðarsson, 1.10.2010 kl. 14:37]

Það er þekkt staðreynd að oftar en ekki étur byltingin börn sín, jafnvel þó börnin hafi oft á tíðum haft hervald að baki sér.

[Loftur Altice Þorsteinsson, 1.10.2010 kl. 14:55]

Því miður eru engar líkur til, að núverandi Alþingi skilji vitjunar-tíma sinn. Sjálfur forsætisráðherra hefur ítrekað sýnt Stjórnarskránni örgustu fyrirlitningu. Fjármálaráðherrann hefur staðið fyrir samningum við erlend ríki um Icesve-kröfur nýlenduveldanna, án þess að nokkrar forsendur væru fyrir kröfunum og samningagerðin skýrt brot á Stjórnarskránni.

Þá hafa heilu þingflokkarnir verið staðnir að undirmálum, í þeim tilgangi að víkja eigin flokksmönnum undar réttarfars-reglum sem bundnar eru í Stjórnarskránni. Frönsku byltingarmennirnir 1789 hefðu vitað hvað þarf að gera við Alþingismenn , ef þeir víkja ekki úr sæti og boðað verður til kosninga.

Menn ættu að kynna sér hversu sláandi líkar aðstæður eru á Íslandi 2010 og voru í Frakklandi 1789.

http://is.wikipedia.org/wiki/Franska_byltingin

http://www.zimbio.com/member/altice

[Heimir Lárusson Fjeldsted, 1.10.2010 kl. 15:36]

Ástandið er enn hömulegra en þarf að vera vegna aðgerðaleysis stjórnarherra. Þau virðast ekki skilja að fólk er beinlínis á götunni og fjöldinn allur er matarlaus. Svo básúna þau dag inn og dag inn hvað Sjálfstæðisflokkurinn hafi verið blindur!

[Sigurbjörg Eiríksdóttir, 1.10.2010 kl. 16:42]

Heimir. Ég held að það sé hætt að bíta á almenning kenningin um hið liðna..Nú eru það stjórnarherrar dagsins í dag sem fá það óþvegið. Þau eru bara ekki að skilja það!

[Heimir Lárusson Fjeldsted, 1.10.2010 kl. 18:50]

Ef þau skynja ekki óánægjuna, eiga þau ekki rétt á stólunum.