Þökk fyrir þetta fyrsta skref

Það er vissulega þakkarvert að kirkjuráð og biskup Íslands skuli biðja konurnar sem urðu fyrir barðinu á Ólafi Skúlasyni fyrirgefningar. Að mínu mati á það bara að vera fyrsta skrefið af mörgum í krufningu málsins.

Það græðir kannski enginn málsaðila á að kryfja málið til mergjar, en börn framtíðar  munu græða og kirkjan getur rétt sinn hlut.

Færi vel á því að kirkjan í samráði við Stígamót, Blátt áfram, Geðhjálp og ef til vill fleiri aðila, efndi til málþings um þessi alvarlegu mál, almennt og legðu til úrbætur í meðferð klögumála og ynnu kannski verkferla sem hægt væri að fara eftir þegar slík mál ber næst á góma.

Ekki er spurning um hvort, heldur hvenær þörf verður á skjótum og fumlausum vinnubrögðum til að takast á við næstu kæru. 

Kirkjuráð biðst fyrirgefningar