Guðrún Ebba hlýtur aðdáun allra sem þagað hafa yfir fjölskylduleyndarmálum

Guðrún Ebba Ólafsdóttir er maður ársins. Mikið dáist ég að kjarki hennar.  Það þarf kjark, djörfung og dug til að afhjúpa föður sinn og illverk hans á þennan hátt. Margar konur eiga um sárt að binda eftir níðingsverk þessa manns og allar hafa verið hunsaðar af kirkjunni og samfélaginu. Sagðar geðveikar og þaðan af verra. Kirkjan skuldar okkur skýringar á aðgerðarleysi sínu og skorti á leiðbeiningum til handa þolendum biskupsins fyrrum. Það er mikill léttir hverjum þeim sem losar sig við slíkt ok af herðum sér. Smátt og smátt mun Guðrún Ebba skilja hvað ég á við. Hún mun losna við martraðir og þungar og erfiðar stundir.

Sá einn sem reynt hefur að létta á hug sínum varðandi misgjörðir ættingja eða náins ástvinar veit hvert frelsið er við að segja frá. Sumir missa nána ættingja við það eitt að segja sannleikann en það er þess virði þótt sárt sé.

Lýsti alvarlegum brotum