Ekki láta ráðherra sjá þetta - það varðar þjóðarhag

Starfsmanni viðskiptaráðuneytisins var afhent lögfræðiálit með því skilyrði að ráðherra efnahagsmála mætti alls ekki sjá það, ekki undir neinum kringumstæðum. Álitið varðaði þjóðarhag og ráðherra mætti því ekki fá nasasjón af því. Það skondna er að ráðherra gerir engar athugasemdir við þá embættisfærslu, starfsmanns seðlabankans og eigin starfsmanns. Ráðherra þykir þetta eðlilegt. Málið fer væntanlega í nefnd.

Af minna tilefni hefur fólks þyrpst á Austurvöll og krafist afsagnar ríkisstjórnar og seðlabankastjóra.

Hvað segir fjármálaráðherra núna?

Hvað segja hinir allaballarnir í ríkisstjórn? 

Hvenær er mælirinn fullur? 

Mátti ekki dreifa minnisblaði

Athugasemdir

[Sigurður Haraldsson, 10.8.2010 kl. 20:41]

Sæll Heimir mælirinn er fullur fyrir löngu þú ég og allir hinir sem láta sér þjóðarhag varða koma á Austurvöll þegar þingið kemur saman í haust og leysum það upp og þó fyrr hafi verið.

Í staðin verðum við að fá utanflokksstjórn sem vinnur fyrir fólkið en ekki mafíuna!

[Guðmundur Pétursson, 10.8.2010 kl. 20:45]

Gylfi Magnússon er huglaus rola sem tekur ekki ábyrgð á neinu og greinilega ekki að valda sínu starfi.  Það var ljóst fyrir löngu síðan.

[Rauða Ljónið, 10.8.2010 kl. 20:48]

Seðlabankinn tilheyrði undir forsetaráðuneyti á þessum tíma með vini Jóhönnu nossarunum, hver er þá sá eini sem mátti sjá ? Var hann í Viðskiptaráðuneytinu eða voru það einhverjir í forsetráðuneytinu eða í fjármálaráðuneytinu?
Umrædd  skýrsla, skýrslur getur ekki hafa lent i höndum sendisveins eða ræstitækni hjá þessum ráðuneytum og þau stungið því undir stól.

Heimir hvern fannst þér Gylfi koma fyrir ?

Hvern var hann að verja ,?   Hverja var hann að verja ?

Var hann að verja sjálfan sig?

Nei það fannst mér ekki.
Hvað með Jóhönnu og Steingrím?

Kv. Sigurjón

[Sigurður Haraldsson, 10.8.2010 kl. 21:04]

Hér er allt litað af mafíustjórnun því miður!

[Sigurbjörg Eiríksdóttir, 11.8.2010 kl. 08:43]

Ég verð að viðurkenna að ég er farin að fórna höndum daglega! Yfir hverjum ráðherranum eftir annann..Nú er Steingrímur þagnaður í bili. Ofbýður honum? Veit ekki, en mín tilfinning er að fólk ráði ekki við vandann og það er ekki góð tilfinning fyrir Íslendinga sem reyna að klóra í bakkann.

[Heimir Lárusson Fjeldsted, 11.8.2010 kl. 09:40]

Sigurður, þjóðfélagið logar af heift. Við getum ekki látið bjóða okkur þetta lengur.

Guðmundur, Gylfi veldur ekki starfi sínu. Engan veginn.

[Heimir Lárusson Fjeldsted, 11.8.2010 kl. 09:45]

Sigurjón, þau sameinast um að hjálpa almenningi alls ekki í baráttunni við fjármálaheiminn. Bankana sem svindluðu á almenningi. Það er kuldalegt að norræna velferðarstjórnin skuli taka upp hanskann fyrir banka og fjármagnseigendur, en láta skuldara sitja í súpunni.

Jón Ásgeir fær að sitja á auðæfum sínum og stjórna umræðunni í landinu með hjálp og dyggum stuðningi Arion banka sem er ríkisbanki undir yfirstjórn "norrænu velferðarstjórnarinnar", hinnar "tæru vinstri stjórnar". Hver hefði trúað þessu að óreyndu?

[Heimir Lárusson Fjeldsted, 11.8.2010 kl. 10:03]

Silla, ekki heyrist bofs frá Steingrími eða pótintátum hans. Kannski blöskrar þeim, en líklegri skýring er að þeir ætli að bíða storminn af sér. Fyrstu þrír eða fjórir mánuðir stjórnarinnar fóru í það að koma seðlabankastjórunum frá. Á meðan aðhöfðust þau ekki. Núna fer tími þeirra í að verja samráðherra og seðlabankastjóra fyrir sanngjarnri gagnrýni almennings. Ég finn til með þeim skuldurum sem fengu von með dómi Hæstaréttar, en stjórnin gerir allt sem hún getur til að ómerkja dóminn og láta skuldarana sitja uppi með gengistryggðar skuldir.

Ef sjálfstæðismenn voru þess megnugir að hanna þessa atburðarás, er engum öðrum treystandi til að vinda ofan af hörmunginni.

[Kristinn Karl Brynjarsson, 11.8.2010 kl. 11:52]

Ástæða þagnar Steingríms gæti verið sú að farið sé að hitna, enn og aftur í kolum órólegrar deildar.  Hann vill því halda sér til hlés, svo ekki sjóði uppúr of fljótt.  Enda í það minnsta tvö afar viðkvæm mál á dagskrá næstu vikna.

 Í lok þessarar viku, eða í byrjun þeirrar næstu, á "Magma-nefndin", svokallaða að skila fyrsta áliti sínu. (ef að það er þá einhver hæfur eftir í henni) Það álit á fyrst og fremst að vera um lögmæti viðskipta Magma hér.

 Svo eftir ekki svo marga daga, þarf að taka til varna fyrir þjóðina, fyrir ESA vegna Icesave.  Þar þarf að passa upp á að Steingrímur, eða aðrir samverkamenn hans í Bretavinnunni, bjóði upp á "farsælar lausnir".

 Svo eru framundan, aðeins lengra inn í framtíðinni umræður um ESBumsóknina á Alþingi.  Dómar eftir að falla í Hæstarétti vegna gengislána. Umræður þess vegna í þinginu.  Fjárlagaumræður og fleira og fleira..........

[Heimir Lárusson Fjeldsted, 11.8.2010 kl. 13:45]

Það er greinilega skynsamlegt hjá Steingrími að sitja á tungu sinni, en hvað endist hann lengi með tunguna undir sér?

[Kristinn Karl Brynjarsson, 11.8.2010 kl. 15:35]

Ég á svo sem ekki von á því að hann setji Íslandsmet í því að "halda kjafti". Hann mun eflaust kveða sér hljóðs um eitthvað málefni, óskylt ofantöldum málefnum, svona rétt til að dreifa athygli landsmanna.