Björk færir sig upp á skaftið

Ein auðugasta kona landsins, Björk Guðmundsdóttir söngkona og tónskáld finnur æ ríkari þörf hjá sér til að hafa áhrif á stjórn lands og borgar.

Björk hefur keypt sig til áhrifa í Reykjavíkurborg þar sem hún beitir Jóni Gnarr og félögum fyrir vagninn. Í krafti auðs sín tókst henni að koma sex mönnum að í borgarstjórn Reykjavíkur.

Enn hefur Björk þörf fyrir að koma skoðunum sínum á framfæri, gengur það örugglega upp hjá henni því í krafti auðs og frægðar á hún greiðan aðgang að fólki.

Björk er aðdáunarverður listamaður, en ætti að láta vera að skipta sér af stjórn lífskjara okkar.

Björk boðar til blaðamannafundar um auðlindir

Athugasemdir

[Sigurður Ingi Kjartansson, 16.7.2010 kl. 12:05]

Ég hef ekki séð neitt sem bendir til þess að hún hafi styrkt Besta eitthvað óeðlilega.

Það eru önnur og hættulegri öfl sem hafa verið að kaupa sér áhrif á íslandi undanfarinn ár, held að Björk sé ekki sá aðili sem mestar áhyggjur þarf að hafa af í þessu sambandi.

[Axel Jóhann Hallgrímsson, 16.7.2010 kl. 14:54]

Hvar greiðir Björkin sína skatta?

[Heimir Lárusson Fjeldsted, 16.7.2010 kl. 15:10]

Sigurður Ingi, Björk bað um frið hér á landi fyrir almenningi og fjölmiðlum á sínum tíma, þjóðin hefur alltaf sýnt henni fyllsta tillit og traust. Hún bauð Besta 30 miiljónir króna til auglýsingaherferðar fyrir borgarstjórnarkosningarnar síðustu til að kaupa sitt fólk í borgarstjórn, sem henni tókst. Enginn vill samþykkja það núna hvernig sem á því stendur. Björk er mikill listamaður sem er þjóðinni til sóma, en vilji hún í krafti auðs síns hafa áhrif á stjórn lands og lýðs þarf hún að koma heiðarlega fram og sína sitt rétta andlit. Þessi leiðinda stimpill forréttinda auðkonunnar fer aldrei af Besta flokknum.

Axel, góð spurning. Hún á heimili í London, New York og Reykjavík og ef til vill víðar. Hún rekur fyrirtæki í London og ef til vill víðar. Hvað vitum við sem alltaf höfum látið hana í friði og einskis spurt?

Núna, þegar hún hefur vaxandi afskipti af stjórnmálum ber henni að skýra fjárframlög sín eigi hún að geta talist trúverðug. Foreldrar hennar sem bæði eru rammpólitísk dragast líka fram í sviðsljós fjölmiðlanna sem og börn hennar og barnsfeður.

[Eggert Vébjörnsson (IP-tala skráð) 16.7.2010 kl. 20:29]

Það ætti kannski ekki að hafa farið framhjá þér Heimir L. Fjeldsted að Besti flokkurinn auglýsti ekki fyrir neinar 30 miljónir og tæpast hafa forkólfar hans þegið framlag sem þetta.

Því er það vægast sagt ósmekklegt hjá þér að fullyrða sem svo að Björk hafi keypt þetta fólk inn þar sem það er hrein og bein lygi af þinni hálfu.

[Heimir Lárusson Fjeldsted, 16.7.2010 kl. 20:56]

Eggert, getur verið að Björk hafi greitt frambjóðendum myndarleg laun í kosningabátáttunni, þar á meðal Jóni Gnarr?

Sannleikanum er hver sárreiðastur;)

[Eggert Vébjörnsson (IP-tala skráð) 16.7.2010 kl. 21:13]

Getur verið segir þú???

Mér er spurn!!!

Hefur þú einhverjar haldbærar sannanir þess efnis eða á þetta allt sér stað í hugskoti þínu?

Mér hefur sýnst í þessum bloggumræðum að þú gefir þig út fyrir það að vera trúaður maður og ég veit ekki betur þó svo að ég sé ekkert sérstaklega trúaður að í einu af boðorðunum segi a: "Þú skalt ekki bera ljúgvitni gegn náunga þínum."

Nú vildi ég gjarnan biðja þig um að sleppa svona frösum eins og hver er Sannleikanum sárreiðastur etc. etc.
Ég veit ekkert um það eða réttara sagt hef engar sannanir þess efnis hvort að Björk hafi styrkt Besta flokkin um tugi miljóna eða greitt frambjóðendum hans laun en hins vegar þykir mér það frekar ótrúverðugt.

Ef að þú veist betur og hefur fulla vissu og sannanir fyrir því sem að þú ert að fullyrða og þá meina ég sannanir þá verð ég víst að viðurkenna að þú hafir rétt fyrir þér.

En ef þú ert hinsvegar bara að bulla þetta útí loftið af illgirni úti Björk, Besta flokkin og hans frambjóðendur þá ertu einfaldlega að bera ljúgvitni gagnvart náunga þínum.

Sannaðu því fullyrðingar þínar eða skammastu til að biðjast afsökunar á þessari færslu þinni.

[Árni Þór Björnsson, 17.7.2010 kl. 06:38]

Ha ha ha.

Hér er einhver öfund og illgirni á ferðinni. Svona tal á helst heima hjá Gróu á Leiti eða í kaffisamsæti á Grund.

Tel ég Heimi byggja sögurnar á lausum grunni vægt til orða tekið.

Það er eins og frægt fólk megi ekki taka til máls um hitamál án þess að einhverjir góðborgarar fari með dylgjur um óheilindi, slæm pólítísk áhrif,foreldrar (kommar og rauðliðar), mútur, greindarskort, skattsvik eða þá að þetta fólk búi nú bara alls ekki á Fróni og þar fram eftir götunum.

Nær væri að gleðjast . Hún gæti beitt áhrifum sínum á verri veg.

[Eggert Vébjörnsson (IP-tala skráð) 17.7.2010 kl. 13:04]

Er hroki og dramb þessutan þitt aðalsmerki.
Veit ekki til þess að það sé litið léttvægum augum gagnvart Guði að vera stútfullur af hroka og drambi.

Hvar er sönnunin fyrir þessari fullyrðingu þinni gagnvart Björk, Jóni Gnarr og Besta flokknum?

Já eða þá afsökunarbeiðnin? !!

Það vita allir að þú ert búin að lesa þessar færlsur og tilgangslaust að reyna að þegja þetta til gleymsku.

[Gullvagninn (IP-tala skráð) 17.7.2010 kl. 15:48]

...hvaða máli skiptir hvort hún hefur styrkt FL-okkinn eða ekki? 

Ég held að ekki veiti af allri hjálp sem fæst til að verja þjóðina og almenning gegn auðhringjum og einkavinavæðingu

[Ólafur Ingi Hrólfsson, 17.7.2010 kl. 16:52]

Enn gapir stórkjafta -

kommúnistar ríkisstjórnarinnar eru endanlega að keyra þessa þjóð í þrot - við þurfum ekki fleiri slíka frá útlöndum til þess að murka úr okkur lífið.

gnarr sagði -  allskonar fyrir aumingjana - 35% ÞEIRRA SEM KUSU Í BORGINNI SÖGÐU ÞAÐ ER ÉG ÞAÐ ER ÉG -

Skv hans yfirlýsingum var ekkert fé til hjá esta flokknum - einhver greiddi það sem greiða þurfti - hversvegna ekki björk?

[Heimir Lárusson Fjeldsted, 17.7.2010 kl. 18:25]

Eggert og Árni Þór, þið eruð stóryrtir þykir mér og þó hef ég ekki sneitt að ykkur enn sem komið er, efast reyndar um að ég geri það.

Mér skilst að þið séuð frekar að verja Besta flokkin en Björk enda er hún einfær um það.

Besti flokkurinn á enga vörn í þessu máli. Það vita margir.

Besti flokkurinn hefur lílega bullað meira en þið áttuð von á svo ekki sé talað um fimbulfambið í gerðum þessara kóna. Þar er ekki við mig að sakast hversu hátt sem þið reiðið til höggs.

Það er fjöldi fólks sem í dag nagar sig í handarbökin fyrir að hafa kosið þessa vitleysu vegna þess að við borgarbúar sitjum uppi með afleiðingar mistakanna í fjögur ár.

Stundum er sagt að gefa eigi nýrri stjórn 90 daga frelsi til athafna án gagnrýni. Það eru ekki lög og mér er heimilt að gagnrýna þegar mér blöskrar fáránleikinn.

Bið ykkur Eggert og Árna Þór vel að lifa og ekki væri verra að hugsa pínu áður en þið segið viðmælanda ykkar að skammast sín.

P.s.

Hvað styrkti Björk Besta flokkinn um háa fjárhæð ef það voru ekki 30 milljónir króna. Fyrst þið vitið að sú tala er ekki rétt eins og þið fullyrðið, segið mér þá hver hún er.

[Eggert Vébjörnsson (IP-tala skráð) 17.7.2010 kl. 19:39]

Er ekki í lagi með þig fullorðinn manninn!!!!

Við vitum ekkert um það hvort að Björk styrkti besta flokkinn eða ekki og hvort það voru 30.000 eða 30 miljónir.

Það ert þú sem ert að koma fram með þessar fullyrðingar þess efnis að hún hafi styrkt Besta flokkinn um 30 miljónir.
Ég er búin að biðja þig oftar en einu sinni að rökstyðja þessa ásökun þína með einhverjum haldbærum sönnunum.
Eins þá fullyrðingu þína að hún hafi borgað frambjóðendum laun.
Nú skal ég gera eina tilraun ein til að fá eitthvað vitrænt svar hjá þér.

Hefur þú einhverja vitneskju eða sannanir þess efnis að Björk hafi styrkt Besta flokkinn um 30 miljónir?
Hefur þú einhverja vitneskju eða sannanir þess efnis að Björk hafi borgað frambjóðendum BF laun?

Ef þú hefur enga vitneskju eða sannanir þess efnis þá er þetta hugarburður og rógur af þinni hálfu og er ekkert annað en það að þú ert að bera ljúgvitni gagnvart náunga þínum.
Þá er full ástæða til að segja þér að skammast þín því svona hagar ekki gott og vel siðað fólk!

[Heimir Lárusson Fjeldsted, 17.7.2010 kl. 22:08]

Þú ert greinilega ekki í jafnvægi, Eggert. Reyndu að finna frið. Góða nótt.

[Eggert Vébjörnsson (IP-tala skráð) 17.7.2010 kl. 23:07]

Ég spyr þig spurninga sem þú annaðhvort getur ekki svarað og/eða villt ekki svara og berð það síðan uppá mig að ég sé ekki í jafnvægi.

Mikið ertu dapurlegur vitnisburður um "svokallaðan" "kristinn" einstakling.

Lágkúran, illgirnin, ódrenglyndið og skíteðlið virðist eiga þig með húð og hár því þú hefur ekki sóma til að rökstyðja þínar staðhæfulausu fullyrðingar eða biðjast afsökunar á þeim ella.

[Sigurbjörg Eiríksdóttir, 18.7.2010 kl. 00:50]

Er ekki allt í lagi með þig Eggert? Styð færslu Heimis í einu og öllu!

[Heimir Lárusson Fjeldsted, 18.7.2010 kl. 05:05]

Hallgrímur Eggert, reyndu að róa þig maður áður en þú hleypur meira á þig.

[Eggert Vébjörnsson (IP-tala skráð) 19.7.2010 kl. 21:40]

Nú skal ég vera voða penn og settlegur í orðavali og sjá hvort að það gefur einhver svör.

Gætir þú verið svo vænn kæri Heimir L Fjeldsted að rökstyðja þessa staðhæfingu þína sem að þú settir fram varðandi það að Björk hefði stutt Besta flokkinn um 30 miljónir og greitt frambjóðendum hans laun.

Nú er ég ekki að fara fram á mikið. Bara það eitt að fá sönnum á einhverju sem að þú veist en ekki ég.
Hlakka til að heyra frá þér

ps: Sigurbjörg. Fyrst að þú styður færlsu Heimis í einu og öllu þá hlýtur þú að búa yfir sömu þekkingu og hann.
Vinsamlegast færðu einhverjar sannanir fyrir því  að það sem að Heimir segir sé satt í einu og öllu.
Hlakka einnig til að heyra frá þér

[Sigurbjörg Eiríksdóttir, 20.7.2010 kl. 10:51]

Eggert! Sumir bloggarar hafa þann orstý að vera marktækir....Heimir er einn af þeim..Mér dugir sá trúverðugleiki..

[Eggert Vébjörnsson (IP-tala skráð) 20.7.2010 kl. 14:05]

Veistu Sigurbjörg!

Svona rök duga almennt ekki þegar fólk stundar rökræður og skoðanaskipti.
Heimir sjálfur verður að sýna mér framá að hann búi yfir þessum trúverðugleika.
Ef hann getur það þá kannski kem ég til með að treysta honum blint héreftir.
En fyrst þarf hann að sannreyna sín orð.

[Heimir Lárusson Fjeldsted, 25.7.2010 kl. 08:55]

Hallgrímur E. Vébjörnsson, sá sem sagði mér frá gat engan veginn séð fram á þann stóra sigur sem Besti flokkurinn vann í Reykjavík á þeim tíma. Það myndi koma honum verulega illa ef ég greini frá nafni hans núna.

Stundum er betra að láta satt liggja.