Stórkostleg borgarstjórn

Ég hafði enga trú á nýja borgarstjórnarmeirihlutanum þegar hann tók við. Núna þegar fyrstu hugmyndir hans eru að komast í framkvæmd sé ég fyrst hversu mikils við höfum farið á mis  áratugum saman.

Stórbrotnar hugmyndir þeirra Dags og Jóns eru um það bil að komast í framkvæmd; fjarlægja lífið af Lækjartorgi, sem auðvitað átti engan rétt á sér og koma þar fyrir musteri Mammons  til frekari dýrkunar græðginnar, tyrfa bílastæðin að Hverfisgötu 42 til að heiðra minningu Einars Ásmundssonar í Sindra sem fyrstur manna barðist hetjulega gegn stöðumælum í tíð Geirs Hallgrímssonar borgarstjóra, en beið lægri hlut. Ekki seinna vænna. Þá á að loka Austurstræti og Pósthússtræti alfarið, en lokun Hafnarstrætis hefur verið við líði undanfarnar vikur.

Ef Dagur og Jón halda áfram af líkri framtíðarsýn og frumlegri hugsun er engin hætta á að kreppan éti þá eins og bágstaddan almenning. Þeir munu aldrei verða þess varir hvar að kreppir því veruleikafirringin er slík.

Lokað fyrir bíla í miðborginni

Athugasemdir

[Axel Jóhann Hallgrímsson, 7.7.2010 kl. 12:14]

Það var í fréttum að Lindsey Lohan hafi brostið í grát þegar hún frétti af gerðum Dags & Gnarr

[Heimir Lárusson Fjeldsted, 7.7.2010 kl. 18:06]

Ég hef ríka samúð með Lindsey;)

[Ólafur Ingi Hrólfsson, 10.7.2010 kl. 03:20]

Ágæti Heimir

Áttir þú von á öðru? Búið að ráða vin sinn í vinnu með milljón á mánuði - leiðbeina vegfaranda í Yatsy - fjarægja blómapott - o.sv.frv.  Þetta eru mun meiri framkvæmdir en ég átti von á - nema þetta með vininn í OR.

[Heimir Lárusson Fjeldsted, 10.7.2010 kl. 06:56]

Það er hlegið að borgarstjóranum og verður hlegið enn meira eftir því sem á kjörtímabilið gengur, en ekki vegna þess að hann sé fyndinn;)