Brengluð réttarvitund

Almenningur þarf að hlýða dómum Hæstaréttar  skilyrðislaust. Ekkert leyfi til að rökræða niðurstöðuna. Bara hlíta dómi.

Ríkisstjórnin og formenn stjórnmálaflokkanna taka sér dýrmætan tíma til að kanna hvernig megi fara framhjá dómi Hæstaréttar í einu stærsta þjófnaðarmáli sögunnar.

Stjórnmálamennirnir standa ekki með þeim sem veittu þeim valdið. Nei þeir standa með þjófunum.

Hvernig eigum við að virða lög og reglur þegar forsvarsmenn þjóðarinnar gera það ekki? 

Fundi formanna lokið í stjórnarráðinu

Athugasemdir

[Sigurbjörg Eiríksdóttir, 24.6.2010 kl. 13:22]

Sagði ekki Gylfi viðskiptaráðherra í gærkvöldi að það væri eins gott að Hæstiréttur dæmdi "rétt" næst?

[Kristinn Karl Brynjarsson, 24.6.2010 kl. 13:35]

Nú hafa bæði Íslandsbanki og Arion banki, vísað þessum fullyrðingum Más og Gylfa á bug, en ríkisbankinn (Landsbankinn) ekki.  Fullyrðingar Más og Gylfa voru ekki byggðar á skoðun þeirra á stöðu þessara banka og reyndar liggja fyrir gögn í Seðlabankanum þess efnis, að bankarnir, lifi dóm Hæstaréttar af, án ígripa stjórnvalda.

 Hvað eru þeir þá að verja?  Er Landsbankinn reistur á veikari grunni, en hinir bankarnir og hinir bankarnir, dregnir með í umræðuna, til að hylma yfir það?

 Svo er auðvitað ekki ólíklegt, að stjórnvöld hafi gert baksamning, við erlenda kröfuhafa.  Baksamning sem kveður á um að, verði bankarnir fyrir skaða, vegna dóms Hæstaréttar, þá bæti ríkið skaðann.  Hafi stjórnvöld staðið í slíkum samningum, þá hafa þau, án heimildar, veitt þessum bönkum ríkisábyrgð.  Samkvæmt lögum um fjárreiður ríkisins, er óheimilt að veita ríkisábyrgð, án efnislegrar umræðu á Alþingi og samþykki þess í kjölfarið.

[Sigurbjörg Eiríksdóttir, 24.6.2010 kl. 13:39]

Góður punktur Kristinn Karl. Það kæmi ekki á óvart eftir hástemmd loforð um gegnsæi að svona væri í pottinn búið.

[Kristinn Karl Brynjarsson, 24.6.2010 kl. 13:58]

Samkvæmt pressan.is, segir Gylfi núna, að það sé óeðlilegt að hópur fólks fái lán á "vildarkjörum.

 Það skildi þá ekki vera að stjórnvöld bíði í ofvæni eftir því að þingið fari í sumarleyfi, svo hægt sé að setja bráðabrigðalög, sem kveða á um einhverja aðra vexti, en umsamda og breyta þannig dómi Hæstaréttar.

[Heimir Lárusson Fjeldsted, 24.6.2010 kl. 14:52]

Forræðishyggjan er yfirgengileg. Þau undirstrika að það eru tvær þjóðir í landinu; stjórnarherrar og dömur og við hin réttlausu.