Minnihlutastjórn Sjálfstæðisflokks raunhæfur möguleiki

Össur Skarphéðinsson hefur lýst yfir uppgjöf velferðarstjórnarinnar og vill þjóðstjórn. Reynir með því að berja Vg til hlýðni.  Ögmundur Jónasson vill ekki þjóðstjórn og talar þar fyrir hönd formanns síns sem ekki þorir sjálfur að hafna bónorði Jóhönnu sem Össur ber fram fyrir hennar hönd.

Eina ráðið út úr ógöngunum sem þessir kumpánar hafa leitt þjóðina í er minnihlutastjórn Sjálfstæðisflokksins, með Davíð Oddsson, Þorstein Pálsson og Pétur Kr. Hafstein sem gestaráðherra. 

Ekki til í þjóðstjórn

Athugasemdir

[Axel Jóhann Hallgrímsson, 19.6.2010 kl. 13:42]

Hvað varð af þjóðstjórnar hugmyndinni? Davíð sem menntamálaráðherra eða ráðherra Hagstofu?

[Gunnar Borgþór Sigfússon, 19.6.2010 kl. 13:49]

Heimir! Af hverju ferðu ekki í kirkjugarðinn og vekur upp þá gömlu og góðu

[Heimir Lárusson Fjeldsted, 19.6.2010 kl. 15:09]

Axel,getur verið að þú hæðist að hugmyndum mínum?

Gunnar, ef við gætum vakið upp þá Bjarna Ben., Ólaf Jóh, Geir Hallgrímsson og Gylfa Þ. og komið þeim í gírinn, er ég viss um að okkur myndi farnast vel.

[Axel Jóhann Hallgrímsson, 19.6.2010 kl. 15:39]

Nei fjarri því Heimir, ég var aðeins að velta því fyrir mér hvaða ráðherraembætti stæðu Davíð til boða í þessari stjórn Sjálfstæðisflokksins, Bjarni yrði auðvitað forsætisráðherra, Þorsteinn tæki fjármálin og Pétur dómsmálin. Ekki trúi ég að þú ætlir flokknum það að hann niðurlægi formann sinn með því að ýta honum til hliðar fyrir ritstjóranefnu utan úr bæ.

[Heimir Lárusson Fjeldsted, 19.6.2010 kl. 16:12]

Ég hygg að ritstjórnarnefnan sem þú nefnir svo myndi sóma sér vel sem utanríkisráðherra jafnframt því að vera andlegur leiðtogi hjarðarinnar. Við sjáum það víða um lönd að gamlir refir eru dubbaðir upp til halds og trausts þegar nýliðar taka að sér vandasöm störf. Bjarni Ben yngri verður glæsilegur forsætisráðherra.

Að vísu er ég að tala um stjórn í fáeina mánuði, eða til næsta vors:)

[Gunnar Borgþór Sigfússon, 19.6.2010 kl. 16:59]

Já ég var sáttur við Bjarna Ben og hrifinn af Óla Jó. En ég er farinn að hallast að því að Bjarni Ben yngri sé allur að koma til.

[Sigurbjörg Eiríksdóttir, 19.6.2010 kl. 17:11]

Þótt Gunni reyni að koma sér í mjúkin hjá St. Pétri með því að gera við kirkjugarðshlið þá held ég hann nái ekki að lífga gömlu kempurnar við.

[Heimir Lárusson Fjeldsted, 19.6.2010 kl. 17:39]

Það er aldrei að vita Silla!