Gunni leitar ráða hjá Björk

Gunnar Hjálmarsson er nýr stjórnarformaður Strætó bs. Margir töldu alveg víst að Björk Vilhelmsdóttir fengi það hlutverk. Einkum vegna þess að sem stjórnarformaður á árum áður tókst henni að klúðra svo almenningssamgöngum í Reykjavík, að þær hafa ekki verið svipur hjá sjón síðan.

Björk tókst að koma nær algerlega í veg fyrir að eldri borgarar gætu notað vagnana, enda átti ekki að eltast við minnihlutahópa eins og hún sagði og hafði líklega eftir Einari sjálfmenntuðum almenningagangnasérfræðingi, sem hún keypti dýrum dómum. Þá tók Björk það sérstaklega fram að eldri borgarar væru ekki nema 4-5% af viðskiptavinum Strætó og því ekki þess virði að stoppa fyrir þá. 

Þá fannst þeim Einari og Björk bráð nauðsynlegt að sem flestar leiðir Strætó ækju upp og niður Hverfisgötuna og vestur á Melatorg. Líklega vegna þess að þyngja þyrfti umferðina í miðbæ Reykjavíkur.

Margt annað nýnæmi tóku þau upp, sem fólk hlær að enn þann dag í dag.

Dr. Gunni formaður Strætó

Athugasemdir

[Morten Lange, 15.6.2010 kl. 22:14]

Hvað finnst þér hafi verið gert gott í málefnum strætó í gegnum árin og hvað leggur þú til að ætti að gera til að efla strætó til góðs fyrir íbúa  ?

( Á þessum tímamótum, og til framtíðar )

[Heimir Lárusson Fjeldsted, 16.6.2010 kl. 14:12]

Hin síðari ár hefur þjónustu Strætó hrakað mjög. Eldri borgarar og allir sem minna mega sín hafa sína sorgarsögu að segja um þjónustuskortinn. Ég mun ekki fara nánar út í þá raunasögu í stuttri athugasemd.