Vagnstjóri mótmælir Sóleyju Tómasdóttur.

Ég er ekki allkostar sammála þér Sóley. Núverandi stjórn Strætós bs. er mikill vandi á höndum að vinna sér aftur traust meðal almennings og endurheimta þá viðskitavini sem yfirgáfu okkur vegna þeirra leiðu mistaka sem leiðakerfisbreytingin var 2005. Þá var breytt breytinganna vegna og algerlega þvert á heilbrigða hugsun. Vögnunum var beint frá fólki/viðskiptavinum og sátu eldri borgarar víða um borgina eftir með sárt ennið og háa leigubílareikninga. Formaður stjórnar þá, Björk Vilhelmsdóttir sagði aðspurð: "að leiðakerfið væri ekki gert fyrir sérhópa, enda væru eldri borgarar ekki nema 4-5% af viðskiptavinum félagsins".
Mikið álag hefur verið á starfsmönnum Strætós að svara fyrir alla þessa vitleysu sem viðgengist hefur síðan kerfisbreytingin var gerð 2005 og hafa jafnframt þurft að taka á sig kjaraskerðingu á síðasta ári. Það er að segja að samið var um hærri laun, en jafnharðan var ráðist á samninga vagnstjóra og þær breytingar gerðar á vaktafyrirkomulagi að um 20% hækkun varð að engu.
Þetta er lítið brot af því sem mér liggur á hjarta varðandi starfsemi Strætó bs. eftir afskipti R-listans 2005.
Nú hefur Kópavogur stjórnarformennskuna og aðrir en Reykvíkingar munu hafa stjórnarformennskuna á hendi næstu rúmlega 11 árin. Það er líka verk R-listans. Hugsið ykkur. Nágrannasveitarfélögin sex munu hafa stjórnarformennsku á hendi næst ellefu árin, en við Reykvíkingar greiðum 70% af útgjöldunum.

Mótmæla fargjaldahækkun Strætó

Athugasemdir

[Jórunn Sigurbergsdóttir , 22.1.2007 kl. 20:53]

Ég held að fargjöldin séu sanngjörn. Og annað fyrir hverja er strætó ef ekki fyrir eldri borgara , börn, þá sem minna mega sín og jú fyrir alla.