Gjafagjörningar Landsbankans lenda á þér og mér

Tæplega milljarður punda eða 188 milljarðar íslenskra króna runnu frá Landsbanka Íslands til Pálma, Jóns Ásgeirs og fleiri ómaga á framfæri banka og þjóðar.

Annars staðar er greint frá því að Landsbanki Íslands hafi afskrifað 5 milljarða króna  Rauðsólar fyrirtækis Jóns Ásgeirs þegar hann losaði áróðursmaskínur sínar við óþægilegan skuldaklafa.

Hvaða hreðjatök hafði JÁ á Landsbankamönnum? 

Milljarður punda fór til eigenda í gegnum lán og kaup Landsbanka

Athugasemdir

[Axel Jóhann Axelsson, 9.6.2010 kl. 08:50]

Lárus Welding var bankastjóri Landsbankans í London, þegar þessir gjörningar fóru fram.

Skömmu síðar náði Baugsklíkan yfirráðum yfir Glitni og þá var Bjarni Ármannsson rekinn þaðan og Lárus ráðinn sem bankastjóri í staðinn.  Hann fékk greiddar 300 milljónir fyrir að mæta í vinnuna hjá Glitni.

Allt tilviljun, eða hvað?

[Arnar Geir Kárason (IP-tala skráð) 9.6.2010 kl. 09:51]

Þetta hefði nú ekkert þurft að lenda á mér og þér hefði ríkisstjórnin haft bein í nefinu og látið skuldirnar falla þar sem þeir eiga að falla í stað þess að ríkisvæða öll ósköpin.

Spurning hvort við ættum að fara að selja veiðileyfi á pólítíkusa og útrásarvíkinga.  Gæti náðst örfáarkrónur uppí skuldirnar þeirra svo börnin okkar og barnabörn þurfa ekki að borga þetta.

[Heimir Lárusson Fjeldsted, 9.6.2010 kl. 19:49]

Siðferði þessara manna er bágt og á ákaflega lágu plani. þeir fara væntanlega að læra hannyrðir til að hafa ofan af fyrir sér í áratuga fangelsisvist.