Geggjað ástand-bölið brennur á borgurunum og allir hlægja sig máttlausa af Besta sem hlær mest því hann er að gera kvikmynd um afleiðingar hruns og hálmstráið sem sökkvandi borgarar grípa í.

Þegar mestu fjárhagslegar hörmungar ganga yfir Reykvíkinga sem aðra og fólk missir unnvörpum íbúðir sínar, bíla og heimilistæki á uppboðum kemur frelsandi lýðskrumari og slær öllu upp í grín. Virðulegir borgarfulltrúar þora ekki öðru en að taka undir og strá um sig hallærisbröndurum af ótta við að annars falli þeir ekki í kramið. Dagur er viðrini þessa dagana.

Flokkur manna og kvenna sem ekkert kunna til verka boða betra líf með ókeypis handklæðum í laugunum og ísbjörn í lokað búr. Pöpullinn emjar af hlátri yfir snilldinni og borgarfulltrúar (sumir) dansa af gleði.

Nýliðarnir segjast vera gáfaðir og fjölmiðlarnir lepja það upp eftir þeim í andakt. Nýliðarnir segjast að vísu ekki hafa hundsvit á þeim verkefnum sem þeir þurfa að takast á við, en þeir "þekki fullt af gáfuðu fólki" eins og einn þeirra sagði.

Nú þyrpist  "fullt af gáfuðu fólki" að grínurunum og bíður í röðum með reikninga fyrir sérfræðiaðstoð.

Dagur var ekki bara kátlegur á fundinum með samherjunum í gær, hann var hjákátlegur.

Bölið brennur á borgurunum og allir hlægja sig máttlausa af Besta sem hlær mest því hann er að gera kvikmynd um afleiðingar hruns og hálmstráið sem sökkvandi borgarar grípa í. 

Trúnaðarsamtöl á leynifundum

Athugasemdir

[Sigurbjörg Eiríksdóttir, 3.6.2010 kl. 10:20]

Veruleikafirrt lið..

[Guðmundur Pétursson, 3.6.2010 kl. 12:06]

Nú erum við vonandi laus við spillinguna og óstjórnina sem alltaf fylgja Sjálfstæðisflokknum og sem betur fer er búið að þurka Framsókn út. Fyrrverandi meirihluti sýndi fram á það með óyggjandi hætti að þar kunni enginn neitt til verka. Við skulum sjá til hvað þessi gerir. Aðalatriðið er að hinn viðbjóðslegi og grímulausi spillingarflokkur sem Sjálfstæðisflokkurinn er, er hvorki við völd í landsmálmum né borgarmálum. Vonandi varir það ástand sem lengst.

[Kristinn Karl Brynjarsson, 3.6.2010 kl. 13:23]

Ég held að fólk ætti að fara varlega í að "eyrnamerkja" einhverjum spillingu.  Er fólk kannski búið að gleyma R-listanum? Hvaða flokkur var ríkjandi þar?   Er fólk búið að gleyma taprekstri Borgarsjóðs og skuldasöfnun, árin 2002- 2006, þegar t.d. Ríkissjóður, hafði svigrúm til að greiða niður erlendar skuldir og skila afgangi, ólíkt R-lista, undir stjórn Samfylkingar.

 Er fólk búið að gleyma orðum Sigurjóns, fyrrverandi bankastjóra Landsbankans, í skýrslunni þar sem hann talar um það að bankinn hefði dælt út peningum á hinar mörgu kennitölur Samfylkingarinnar.  Er fólk búið að gleyma hversu stórtækir þeir Landsbankamenn voru í fasteigna og lóðabraski í borginni. Flest verkefni þeirra Landsbankamanna, kölluðu á góðan byr skipulagsyfirvalda borgarinnar. Man fólk hver var formaður Skipulagsráðs borgarinnar?

 Er fólk búið að gleyma sukkinu í kringum Línu-net og  risarækjueldi og er fólk búið að gleyma "geimskipinu" sem í daglegu tali er kallað höfuðstöðvar Orkuveitu Reykjavíkur?

 Er fólk búið að gleyma upphlaupi Dags B. og Steinnunnar Valdísar, eftir að sexmenningarnir í Sjálfstæðisflokknum, ákváðu, eftir að hafa séð hin raunveru áform um sameiningu REI og GGE?  Til upprifjunnar má þess geta, að Steinunn Valdís, skildi ekkert í Sjálfstæðisflokknum að vilja ekki taka þátt í þessu "brilliant" fjárfestingartækifæri með þeim miklu "fjármálasnillingum" Hannesi Smárasyni og Bjarna Ármannssyni, dæmið hlyti að vera "brilliant", fyrst þessir menn, "fórnuðu" mannorði sínu í þetta dæmi.  Dagur B. sakaði Sjálfstæðisflokkinn, við samatækifæri að "koma óorði á útrásina" og hét því að Samfylkingin yrði í fylkingarbrjósti, hvar og hvenær sem í því að vinna útrásarverkefnum OR í gegnum REI fylgi.

 Fólk skal átta sig á því að nýr meirihluti tók við tómum, eða illa stöddum Borgarsjóði í upphafi síðasta kjörtímabils, þrátt fyrir almenna uppsveiflu í landinu.  Borgarsjóði, sem R-listinn undir stjórn Ingibjargar Sólrúnar, Þórólfs Árnasonar og Steinunnar Valdísar, hafði hægt og bítandi hlaðið taprekstri og skuldum á.

[Heimir Lárusson Fjeldsted, 3.6.2010 kl. 20:34]

Þakka góð innlegg. Guðmundur Pétursson þolir ekki okkur Sjálfstæðismenn frekar en fyrri daginn. Það hlýtur að vera erfitt að vera með óþol fyrir meira en þriðjungi þjóðarinnar. Hann er samt velkominn sem og í KR.

[Sigurbjörg Eiríksdóttir, 4.6.2010 kl. 10:38]

Svo verður sérstaklega fjallað um okkur "eymingjana" í myndinni.