Smekkleysa Bjarkar í krafti auðs

Ég hef verið aðdáandi Bjarkar Guðmundsdóttur síðan hún ófrísk af Sindra tróð upp um allar koppa grundir. Þá spáði ég því að hún yrði heimsnafn. Til þess þyrfti hún að losa sig við nánasta samstarfsfólkið og akta ein.

Allt gekk eftir. Björk varð heimsþekkt og bað Íslenska þjóð um að fá að vera í friði heima hjá sér á Íslandi. Þjóðin varð við ósk hennar svo hún gæti komið heim, hvílst og endurnærst fyrir nýja sigra á heimskringlunni.

Svo fór Björk að skipta sér af pólitík á Íslandi. Hún sagði okkur hvað mætti virkja, en aðallega ekki. Björk sagði okkur að við mættum ekki taka framförum sem þjóðfélag, nema þá á þjóðlegan hátt eins og með fjallagrasatínslu að hætti hérlendra komma. 

Björk hefur áður haft kostnað af innanlandsátökum hér. 

Núna sá hún möguleika á að koma höggi á íslenska stjórnmálamenn og hugsjónir tugþúsunda manna með beinum inngripum í innanbæjarpólitík okkar Reykvíkinga. Björk á að vísu húseignir hér á landi, en býr að mestu í húseignum sínum í New York og London.

Það er mikil smekkleysa af Björk að hlutast til um innanbæjarmál okkar í krafti auðs síns. 

Besti flokkurinn fær 7 borgarfulltrúa samkvæmt könnun

Athugasemdir

[Hörður B Hjartarson, 28.5.2010 kl. 16:09]

   Heimir ! Samkvæmt þessari færslu , þá getur ekki verið að þú metir íslenska  , lítt mengaða , náttúru mikils , ekki frekar en aðrir í FL-okknum .

   Kannske hugarfarsbreyting verði á í næsta , eða þá þarnæsta .

[Sigurbjörg Eiríksdóttir, 28.5.2010 kl. 18:19]

Nú þurfum við að tala saman Hörður! Jafnvægi í þessum málum er nauðsynlegt..allar öfgar eru bull..

[Sigurbjörg Eiríksdóttir, 28.5.2010 kl. 18:51]

Ég vil að við eigum annars úrkosti en tína ber og fjallagrös. Fyrir utan rabarbara.. Af honum og öllu þessu er nóg auðvitað. Og ertu búin að koma á framfæri þessum afurðum erlendis? Nei ég er ein af þeim slæmu í þínum huga. Ég vil álver í Helguvík. Ég er í stjórn verkalýðsfélags og þekki hvernig hjartað slær þar. Að vera án atvinnu er ekkert grín.

[Hörður B Hjartarson, 28.5.2010 kl. 19:21]

    Hvað fylgir (s)álverunum , hver er gróðinn þegar upp er staðið .

    Því miður Silla , þá held ég að hvorki þú né aðrir þurfi að kynna fyrir mér , hvað sé að vera atvinnulaus . 

[Sigurbjörg Eiríksdóttir, 28.5.2010 kl. 19:51]

Fyrir mér er Straumsvíkin fyrirmynd. Atvinnulausir mældu götur í Hafnarfirði þar sem ég bjó frá 1965-1972. Og við hjónin fluttum burt vegna ástandsins árið 1972. En það varð Hafnfirðingum til happs að þetta álver komst á laggirnar. Segi það satt Hörður minn!

Fyrirgefðu Heimir..Ég ætlaði ekki að misnota þína síðu:)

[Hörður B Hjartarson, 28.5.2010 kl. 20:27]

     Fleira hangir á spýtunni Silla , og það hlýtur þú að vita , en hví minnist þú ekki á verðið - hráálin - hvaðan hann kemur - kostnað (s)álveranna - "hreinleika" náttúrunnar og um leið áhrifin á túrismann - svo var nú skýið meiriháttar flott í Hýrafirði , eða fannst þér það ekki , og áhrif þess ?

    Spurningum sem þessum verður ekki svarað til fulls fyrr en í fyrsta lagi eftir 60 - 70 ár - það er óumflýjanleg staðreynd .

[Kristinn Karl Brynjarsson, 28.5.2010 kl. 22:06]

Það er til eitt gott dæmi um hvað álver önnur stóriðja, getur gert fyrir samfélag.   Þar er ég að tala um Hvalfjarðarsveit.  Þar í sveit, búa 650 manns. Þar eru menn að ráðast í byggingu grunnskóla, sem kostar 550 milljónir. Sveitarfélagið á í sjóði rúmar 300 milljónir af byggingarverðinu.  Hvort ætli þar standi að baki, að mestu útsvar þessra 650 íbúa, eða gjöldin sem stóriðjan borgar til sveitarfélagsins?

[Ólafur Ingi Hrólfsson, 30.5.2010 kl. 10:27]

Sigurbjörg - tek undir með þér -

Hitt er svo annað að Björk ( mig langar svo til þess að kalla hana störkjöftu að það er hreinlega sárt - en læt það bíða ) hefur ekki bara verið að gapa hér - hún gerði það líka í Kína - fór upp með pólitískar skoðanir sínar  semhafa síðan orðið heimsþekktum listamönnum að hindrunum - staðið í vegi fyrir því að þeir fengju að halda tónleika í Kína.

Eitt sinn notaði Björk svansbúning - svanurinn er gargfugl sem ræðst að óvörum að minni fuglum.

Heimir ég man líka eftir henni með magann út í loftið uppi á BSÍ.

Það breytir engu um smekkleysu hennar og hroka í dag.

Hún býr úti og ætti að láta okkar mál í friði - við höfum fátt fengið jákvætt frá tannlausa ljóninu unanfarin ár - fyrir utan eina fjölskyldu sem flutti heim - ég fagna því.

björk og brown geta átt sig.