Vonandi hefur Steinþór heilbrigða sýn á heiðarleik og réttlæti

 Vonandi fer Steinþór Pálsson nýr bankastjóri vel með völd sín hjá bankanum. Völdin eru mikil í þjóðfélagi sem er í sárum og sárvantar heiðarleik og réttsýni í allar leikreglur. Amx.is hefur ítrekað bent á háskaleik Arions varðandi Haga. Þar get ég engu við bætt, en læt þess getið að mér blöskrar spillingin sem þar er á ferð og nýtur velvilja ríkisstjórnarinnar og stjórnarflokkanna.

Amx. segir: 

"Arion banki sendi smáfuglunum harðorða athugasemd í kjölfar þess að smáfuglarnir höfðu hvíslað um þá staðreynd að Sigurjón Pálsson, mágur Ara Edwald forstjóra 365 miðla, skuli koma að málefnum Haga. Í athugasemdum bankans sagði, með feitletrun smáfuglanna:

Sigurjón hefur verið varamaður í stjórn Haga og hefur verið áheyrnarfulltrúi á stjórnarfundum fyrirtækisins. Hann hefur ekki setið neinn stjórnarfund sem fullgildur stjórnarmaður. Hann hefur því hvorki verið með tillögu- né atkvæðarétt og því ekki getað haft nein áhrif á ákvarðanir fyrirtækisins.

Smáfuglarnir sjá eins og allir aðrir að hér segir bankinn aðeins hálfan sannleikann og reynir þannig að leiða fólk afvega. Var Sigurjón ekki í þriggja manna stjórn 1998 ehf., móðurfélags Haga? Og er kannski þar enn?

Í frétt Viðskiptablaðsins frá 30. október 2009 sagði:

Við þetta settust tveir starfsmenn Kaupþings, lögmennirnir Sigurjón Pálsson og Regin Freyr Mogensen, í stjórn 1998 ehf. og heimilisfang félagsins færðist í höfuðstöðvar bankans. Auk þeirra situr Jóhannes Jónsson, oftast kenndur við Bónus, í stjórninni.

Facebook - Sigurjón Pálsson

Sigurjón Pálsson hefur að sögn Arion banka ekki nein áhrif á ákvarðanir Haga en samt situr þó samt í stjórn 1998 ehf sem er móðurfélag Haga.

Ætli það sé mat Arion banka að maður í stjórn móðurfélags hafi engin áhrif á þa sem gerist hjá dótturfélagi þess? Ætlar bankinn að standa við orð sín um að Sigurjón Pálsson hafi engin áhrif haft á ákvarðanir Haga á sama tíma og hann situr í stjórn móðurfélagsins?

Ljóst er að Arion banki þarf að gera hreint fyrir sínum dyrum hvað Sigurjón Pálsson varðar. Bankinn getur ekki horft fram hjá því að Sigurjón er mágur Ara Edwald og náfrændi Sigurjóns Þ. Árnasonar fyrrum bankastjóra Landsbankans. Bæði Ari og Sigurjón eru í þungamiðju Baugsveldisins - einn sem forstjóri fjölmiðlanna og hinn sem útlánastimpill í Landsbankanum. Alvarlegt er að slá ryki í augu almennings með því að láta það ónefnt sem öllu máli skiptir.

Hitt er svo að furðulegra að viðskiptabanki ætli að tryggja Jóni Ásgeiri sem mest völd yfir íslenskum fjölmiðlum og íslenskri verslun en freisti þess á sama tíma að njóta sjálfur örlítils trausts. Þó þetta tvennt geti ekki farið saman."

Steinþór bankastjóri Landsbankans