"Kristileg" meðferðarúrræði blessuð af fyrrverandi landlækni.

Ekki skil ég þessa vandlætingu hjá fólki að allt sé slæmt sem byggist á kristilegum gildum. Að manngæska, líkn og boðskapur frelsarans geti skemmt nokkurn mann. Ég hef daglega fyrir augunum fleiri en eitt og fleiri en tvö vitni þess að "kristileg" meðferðarúrræði hafa bjargað lífi fólks og komið því á réttan kjöl og gert að nýtum þjóðélagsþegnum.
Það er ekki viðeigandi að nefna nöfn eða að vísa á fólk í þessu sambandi. Er ekki mannslífið metið á u.þ.b. 80 milljónir króna? Sé svarið já við því þarf ekki mörg mannslíf til að hafa upp í kostnað ríkisins við Byrgið svo dæmi sé tekið.
Við erum bara ekki svo köld að meta árangur "kristilegra" meðerðarúrræða á þennan hátt. Því að sjá menn sem áður voru í ræsinu orðna að dugandi borgurum akandi um á góðum bílum og búa í eigin húsnæði og lifa hamingjusömu fjölskyldulífi er mér næg umbun. Það eru ekki margir sem hafa lag á að nálgast verstu fíklana á þann hátt að svo vel takist til. Því verðum við að horfa í gegnum fingur okkar með smá breyskleika og lélega bókhaldskunnáttu og að viðkomandi hefji sig til skýjanna á óraunverulegan hátt. Þeir eru ekki fáir sem eiga Guðmundi Jónssyni í Byrginu líf að launa.
Hví sendi félagsmálaráðuneytið ekki bókara reglulega austur til að færa framlögin til bókar? Ég er viss um að Guðmundur hefði þegið það.

Hvað skyldi Sigga frænka segja núna?

Samhjálp gerir athugassemdir við umræðu í sjónvarpi

Athugasemdir

[asdf (IP-tala skráð) 20.1.2007 kl. 23:49]

Hvernig stendur á því að þú og fleiri eruð að fullyrða svona hluti án þess að kynna ykkur það rækilega. Florence Nightingale var ábyggilega voðalega góð við sjúklingana í Krímstríðinu en að fara að leysa hjúkrunarfræðinga dagsins í dag af með hennar aðferðum vegna þess að það er ódýrara er bara fráleitt. Hvernig getur nokkur maður trúað einu eða neinu sem kemur frá Guðmundi í Byrginu eftir yfirlýsingar hans um sakleysi sitt, bæði gagnvart misnotkun á sjúklingum sem og misnotkun á peningum?

[Heimir Lárusson Fjeldsted, 20.1.2007 kl. 23:55]

Ég er svo sem ekkert að hafa skoðun á sansögli Guðmundar. Hafi hann logið, sem mér sýnist hann hafa gert er það hans veikleiki og mistök.

Hitt veit ég að fólk hefur komið undir sig fótunum eftir dvöl í Byrginu og mér þykir hvert eitt tilvik næg ástæða til að hann haldi áfram, en auðvitað þarf hann að endurskoða umgengnishætti sína við sannleikann.