Bloggvinur slítur vináttunni.

Nú er hann Guðmundur hættur að vera bloggvinur minn. Mig tekur það sárt. Guðmundur hafði sjálfur óskað eftir bloggvináttu við mig, líklega vegna einhvers bloggs míns sem hann gat verið sammála. Þegar hann sleit bloggvináttunni hafði ég skotið ákaflega laust á Baug (aldrei þessu vant). Guðmundur á náinn ættingja sem vann hjá Baugi og var ákærður. Hvort það er ástæðan fyrir viðkvæmni hans veit ég ekki.
Óbeit mín á þessum einstaklingum byggist hinsvegar á sérlega viðbjóðslegum viðskiptaháttum þeirra sem kostuðu mig aleiguna og mörgum milljónum betur.
Ég var reyndar búinn að lofa fyrrverandi bloggvini mínum Guðmundi að segja söguna í dag og nafngreina gerendurna, en nenni því ekki núna.

Sagan verður sögð, en þar koma við sögu fyrrverandi formaður Samtaka verslunar- og þjónustu, fyrrverandi forstjóri Samkeppnisstofnunar o. fl.

Vonandi fyrirgefur Guðmundur fyrrverandi bloggvinur mér.

Athugasemdir

[Jórunn Sigurbergsdóttir , 17.1.2007 kl. 19:33]

Mér þykir leiðinlegt að frétta þetta. Þið eruð jú báðir bloggvinir mínir.

[Heimir Lárusson Fjeldsted, 18.1.2007 kl. 05:40]

Það er upp á þér typpið!