Afþökkum stuðning - leyfum þeim að sitja uppi með skömmina

Eftir því sem svokallaðar frændþjóðir á hinum Norðurlöndunum hafa dregið seiminn gagnvart óskum um aðstoð við uppbygginguna hér á landi, er full ástæða til að draga allar óskir um aðstoð til baka.

Höfnum frekari viðræðum við Hollendinga og Breta og látum þá sækja málið að lögum.

Þessar þjóðir bera fulla ábyrgð á glæfrastarfsemi íslensku bankanna í þeirra löndum og eiga bara við sjálfa sig varðandi skaðabætur.

Norðulandaþjóðirnar hafa í meira en ár gerst rukkarar fyrir fyrir pörupilta Gordons Brown og kollega hans hinummegin Ermasundsins og leyfum þeim að sitja uppi með skömmina. 

Styðja Ísland

Athugasemdir

[Skúli Guðbjarnarson, 22.3.2010 kl. 16:30]

Ég er bara ansi sammála þér.

Vil gjarnan ljúka icesavemálinu, en við ættum kanski ekkert að vera að flýta okkur eða æsa nágranna okkar upp. Halda okkar striki í rólegheitunum og hætta að biðja um lán.

[Heimir Lárusson Fjeldsted, 22.3.2010 kl. 17:10]

Sem snýtt úr mínu nefi Skúli:)

[Axel Jóhann Hallgrímsson, 22.3.2010 kl. 17:56]

Svona yfirlýsingar, sem auðvitað eru ætlaðar til heimabrúks, gera okkur meira ógagn en gagn. Það er full ástæða að taka samskiptin við þessa granna okkar til gagngerrar endurskoðunar verði ekki breyting á "velvilja" þeirra í okkar garð.

[Heimir Lárusson Fjeldsted, 22.3.2010 kl. 18:06]

Sammála þér Axel að hafa velviljann innan gæsalappa.