Ánægjuleg frétt um gengi Sjálfstæðisflokksins- Miður ánægjuleg árás Sveins Andra á Agnesi Bragadóttur

Sjálfstæðisflokkurinn fengi 26 þingmenn samkvæmt skoðanakönnun sem Sigurjón Magnús Egilsson Sprengisandsstjóri lét gera og er það mjög í anda þess sem ég skynja manna á meðal.

Á sama tíma kemur friðarspillirinn Sveinn Andri Sveinsson fram með rætna árás á virkan og vinsælan blaðamann.

Smáfuglar amx.is birta eftirfarandi:

"Eflaust var nýlegur pistill Agnesar Bragadóttur í Morgunblaðinu um Sjóvá-menn hvatskeytlegur og ónærgætinn, sérstaklega í garð Þórs Sigfússonar sem margir bera vel söguna þótt ef til vill hafi honum orðið á í rekstri fyrirtækis síns.

En pistill Sveins Andra Sveinssonar í Pressunni um Agnesi er þó miklu verri. Þar er dylgjað um viðkvæm einkamál, sem ekkert erindi eiga í stjórnmálabaráttuna. Hæstaréttarlögmaðurinn gengur lengra en góðu hófi gegnir í þessum pistli.

Sveinn Andri er sem kunnugt er í vinahópi eða klíku með þeim Ara Edwald, Guðlaugi Þór Þórðarsyni, Þór Sigfússyni og Ólafi Stephensen og hittast þeir félagar í hádegisverði vikulega eins og gestir á veitingahúsum borgarinnar komast ekki hjá að taka eftir.

Sveinn Andri hefur áður geyst fram á vígvöllinn þegar hann hefur talið hagsmunum vinahóps síns ógnað. Til dæmis réðst hann harkalega opinberlega á Gísla Martein Baldursson fyrir prófkjör sjálfstæðismanna í Reykjavík haustið 2005, en þá taldi Guðlaugur Þór að Gísli Marteinn ógnaði væntanlegu veldi sínu (og klíku sinnar) í Sjálfstæðisflokknum.

Smáfuglarnir spyrja: Væri nú ekki ráð fyrir Svein Andra að nota baráttugleði sína og hörku frekar gagnvart vinstrimönnum og stjórnarsinnum, því að þar er af nógu að taka í öllu Icesave-hneykslinu? Og ef Agnes á að leggja fram allar upplýsingar um tengsl sín við útrásarvíkinga, ætti þá ekki vinur Sveins Andra, Guðlaugur Þór, að gera hið sama, til dæmis í tilefni REI-málsins?"

Ekki er félagsskapurinn hollur með Ara Edwald innanborðs. 

Sjálfstæðisflokkurinn eykur fylgi sitt verulega

Athugasemdir

[Sigurbjörg Eiríksdóttir, 28.2.2010 kl. 19:14]

Svei mér þá ef þið eruð ekki að ná vopnum ykkar....Þarf bara smá tiltekt og þá er þetta komið..

[Heimir Lárusson Fjeldsted, 28.2.2010 kl. 19:34]

Útlitið er bjart Silla. Ef siðferði vina Ara er á sama plani og hans, ja, þá bíð ég ekki í það(:

[Heimir Lárusson Fjeldsted, 28.2.2010 kl. 21:46]

Bloggari kallar Svein Andra "skítakarakter" vegna dylgna hans um heilsuhæli Agnesar.

Ef hann er að meina "afvötnunarstöð" ætti hann að benda vini sínum dópistanum á lausn hans vanda.

[Ólafur Ingi Hrólfsson, 1.3.2010 kl. 02:04]

Sigurbjörg -

Hvaðan hefur þú orðatiltækið "svei mér þá"

[Sigurbjörg Eiríksdóttir, 1.3.2010 kl. 07:51]

Ólafur. Hvernig í veröldinni á ég að muna það..Pabbi sagði þetta alltaf. Þetta hefur alltaf fylgt mér og ég hef ekkert hugsað nánar um það. En ég segi náttúrulega svei attan við sjálfa mig ef ég hef ekki rétt fyrir mér í þessu tiltekna dæmi.

[Heimir Lárusson Fjeldsted, 1.3.2010 kl. 08:15]

Svei mér þá ef umræðan er ekki farin að verða skemmtileg;)