Danir þurfa síður en svo að hjálpa okkur

Danir setja okkur skilyrði fyrir lánveitingu. Með skilyrðunum blanda þeir sér í milliríkjadeilu sem þeim er óviðkomandi. Við höfum ekkert að tala við Dani frekar um þetta mál.

Kínverjar eru að auka umsvif sín hér á landi og líklegt að þeir láni okkur á viðunandi kjörum og án afskipta af deilu okkar við Breta. 

Telegraph: Engin ástæða til að Íslendingar greiði

Athugasemdir

[Rauða Ljónið, 9.1.2010 kl. 13:20]

Sæll. Gætir verið að þess skilyrði séu sett fram og miða við heildar greindarvísitölu reikisstjórnarinnar maður bara spyr eftir fréttirnar í RÚV ? Já líta á ríkisstjórnina sem molbúa enda moldbúasögunar danskar nú hafa Danir loksins fundið þá eftir 200 ára leit eða lengur,.
Kv. Sigurjón

[Heimir Lárusson Fjeldsted, 9.1.2010 kl. 13:35]

Við erum greinilega ekki hátt skrifuð hjá Dönum þessa dagana Sigurjón, enda Molbúahátturinn með eindæmum eins og þú bendir réttilega á.

Kínverja myndu örugglega lána okkur það sem til þarf, að standa uppi í hárinu á svokölluðum vinaþjóðum okkar, þ.e. Bretum og Hollendingum og gefa "bræðraþjóðunum" langt nef.

[Rauða Ljónið, 9.1.2010 kl. 13:44]

Sæll. Já það má reikna með því bræðraþjóðir okkar hafa einungis sýnt  af sér bræðralag þegar þeir hafa vilja fá eitthvað frá okkur sem hagnast þeim.

Kv. Sigurjón

[Baldur Hermannsson, 9.1.2010 kl. 14:37]

Þegar Óli verður búinn að neyða Breta til þess að borga það sem þeir  skulda okkur munu Danir koma skríðandi á hnjánum til að fá lán - og auðvitað munum við lána þessum frændum okkar. Við erum ekki lítilmenni.

[Heimir Lárusson Fjeldsted, 9.1.2010 kl. 15:27]

Frændur eru frændum verstir segir mátækið. Eigum við ekki að láta það sannast gagnvart Dönum þegar við erum aftur orðin auðugasta og stórasta þjóð í heimi?

[Baldur Hermannsson, 9.1.2010 kl. 15:39]

Uss nei, við fyrirgefum vorum skuldunautum.

[Sigurbjörg Eiríksdóttir, 9.1.2010 kl. 15:39]

Við viljum enga danska Molbúa hingað, það er nóg af þeim íslensku og tökum svo fyrir fólksflutninga til Baunalands!

[Heimir Lárusson Fjeldsted, 9.1.2010 kl. 16:29]

Baldur, við erum komin með sigg á báðar kinnar.

Silla, já látum þeim ekki meira andlegt atgervi í té.

[Baldur Hermannsson, 9.1.2010 kl. 16:46]

Geysimörg íslensk ungmenni stunda nám í dönskum skólum. Og Danir tóku við Evu norn Hauksdóttur og útveguðu henni vinnu á elliheimili. Eitthvað hlýtur þetta að telja.

[Sigurbjörg Eiríksdóttir, 9.1.2010 kl. 16:52]

Æi ekki minna mig á þetta Baldur. Fær maður ekki að vera fúll í friði :) Ég á son á síðasta ári í verkfræði við Sönderborgarháskóla. Þar kúrir hann hjá Baununum með fimm manna fjölskyldu.

[Heimir Lárusson Fjeldsted, 9.1.2010 kl. 16:54]

Ég sótti mér menntun til Danmerkur og naut góðs af. Danir eru mér kærir. En ráðist þeir með stælum og hroka að okkur er mér að mæta;)

[Baldur Hermannsson, 9.1.2010 kl. 17:03]

Þeir eru bara hræddir um aurana sína. Myndir þú lána Jóhönnu?

[Heimir Lárusson Fjeldsted, 9.1.2010 kl. 17:08]

Ekki ef Össur og Steingrímur væru ábyrgðarmenn.

[Axel Jóhann Hallgrímsson, 9.1.2010 kl. 17:25]

Afstaða Dana verður skiljanlegri ef við snúum dæminu við og reynum að sjá fyrir okkur hvernig íslenska stoltið hefði brugðist við ef danskir útrásarsóðar hefðu ruðst hér yfir landið og keypt allt sem á vegi þeirra varð og skilið við það í misjöfnu ásigkomulagi.

Hvað Kínverjana snertir þá hugsa þeir hlýlega til okkar eftir minnisstæða heimsókn forseta þeirra hingað, þegar ríkisstjórn Íslands beygði sig í duftið fyrir þeim og afnam mannréttindi á meðan á heimsókn herrans stóð. Minna hafa menn munað.