Hvað kemur ESB málið við?

Talsmaður breska fjármálaráðuneytisins segir að lausnar Icesave-málsins verði leitað hjá ESB. Hvað kemur því sambandi málið við?

Við eigum ekki aðild að ESB og munum ekki eiga í náinni framtíð.

Brusselsleikipinnar Samfylkingarinnar  og breska systurflokksins verða að koma með eitthvað raunhæfara til lausnar málinu.

Bretar leita til ESB

Athugasemdir

[Benjamín Plaggenborg, 5.1.2010 kl. 16:45]

Það er styrkur í samstöðu. Ef öll Evrópa stendur gegn okkur erum við verr sett en ef einungis Bretland og Holland setja okkur skilmála. Auðvitað teygir þessi styrkur sig aðeins til þeirra innan sambandsins, sem gerir vist þar ákjósanlega - sætti maður sig við kostnað slíkrar vistar.

[Hólmfríður Bjarnadóttir, 5.1.2010 kl. 17:12]

Sæll Heimir. Þú telur greinilega að Jóhanna Sigurðardóttir og Samfylkingin segi breska fjármálaráðuneytinu fyrir verkum. Þó við Samfylkingarfólk séum öflugt stjórnmálaafl, þá er þetta álit þitt nokkuð vel í lagt. Það er auðvitað eðlilegt að Bretar leiti til ESB og ekkert við því ða segja. Þessi synjun forsetans er líka það fáránleg og fáheyrð ákvörðun að viðbrögðin verða fáheyrð og hörð. Ef einhver neitar að standa við samning, er þá ekki leitað til álitsgjafa. Það mundi ég gera, en þú.

[Heimir Lárusson Fjeldsted, 5.1.2010 kl. 17:24]

Benjamín, það er styrkur í samstöðu, gott og vel. Ef ESB leggst gegn okkur og beitir okkur þvingunum, þá setja þeir sig í stöðu kúgara sem siðmenntaðar þjóðir vilja ekki kenna sig við. Það er vitað mál að ESB hyggst koma upp sameiginleg her. Mun sá her verða sendur að Íslandsströndum til að berja á uppgjafa bankamönnum og kotbændum?

[Heimir Lárusson Fjeldsted, 5.1.2010 kl. 17:29]

Hólmfríður, ég tel ekki að Bretar telji sig þurfa álit frá ESB, þeir eru öllu heldur að safna liði til að klekkja á okkur. Fellum við lögin í þjóðaratkvæðagreiðslu gilda lögin frá 28. ágúst nr. 96/2009.

Samfylkingin er auðvitað alls góð makleg, en ennþá hefur hún ekki þroska, vit né getu til að fara með stjórn þjóðmála. Það sést best á þeirri nauðung sem hún beitti til að koma lögunum í gegnum Alþingi. Þingmenn samþykktu, en höfðu svo samband við ÓRG og báðu hann að koma vitinu fyrir Samfylkingu og Vg.

[Benjamín Plaggenborg, 5.1.2010 kl. 19:43]

Ég efast um að hervaldi verði beitt, en auðréttmætanlegum aðgerðum má beita gegn Íslandi (neitun um lán o.s.frv.) sem koma sér afar illa fyrir ríkið ef það vill endurfjármagna skuldir sínar og eiga í greiðum viðskiptum við önnur lönd. Vilji ríkið það ekki er illséð hvernig það getur staðið undir skuldabyrðinni nema með óhóflegri prentun peninga, sem er á engan hátt góð hugmynd. Auðvitað má sleppa að borga allar hinar skuldirnar líka, en þá getur ESB beitt viðskiptaþvingunum ofan á fjárhagsþvinganirnar.

[Heimir Lárusson Fjeldsted, 5.1.2010 kl. 19:56]

Ég bara trúi því ekki Benjamín að ESB fari að níðast á sínum minnsta bróður...

[Arnór Baldvinsson, 5.1.2010 kl. 21:26]

Sæll Heimir,

Ég hef grun um að það sé vegna þess að EES og ESB hafa með sér einhverskonar viðskiptasamninga, þannig að ESB getur verið aðili sem komi að þessari deilu. 

Kveðja,

[Heimir Lárusson Fjeldsted, 5.1.2010 kl. 21:35]

Hefur EES ekki sjálfstæða stjórn? Það væri líkt Bretum að láta kné fylgja kviði!