Velkominn í KR Bjarni.

Bjarni er sérstaklega velkominn í KR. Hann býr í Vesturbænum, verslar í Kjötborg og er kominn í teinótt.

Bjarni genginn í raðir KR

Blikar á leið að stórum titlum.

Það er ekki árennilegt fyrir okkur KR-inga að etja kappi við Breiðablik í undanúrslitum Bikarkeppninnar þegar þeir hafa efni á að láta yfirburðarmann verma varamannabekk heilan leik og það ákaflega þýðingarmikinn leik.

Slíkt lið er gott. 

Fulltrúi Örebro sá Prince bara á bekknum

Enginn verður óbarinn biskup.

Þetta getur gerst, að betra liðið bíði ósigur. Ekki í fyrsta sinn og ekki í seinasta skipti sem það gerist.

Sama gerist stundum með góðan málstað þegar hann lætur í minni pokann um sinn, en stendur samt.

Nú hef ég mælt sjálfum mér huggunarorð og get gengið út í daginn með höfuðið hátt. 

Ramsay tryggði Grindavík sigur gegn KR

Sorgleg dómgæsla.

Mótlætið hefur hingað til styrkt KR-inga og gerir það enn einu sinni

KR - Valur, 1:2

Dramb er falli næst.

Valsmenn eru samir við sig þegar þeir tala um andstæðinga sína vestan lækjar.

Skemmst er að minnast þess þegar hróp voru gerð að Hólmfríði Magnúsdóttur leikmanni KR í leik liðanna á Hlíðarenda 11. júní s.l. Og nú bæta þeir um betur eins og sjá má á vefsíðu Vals: 

"

Ási Sveinss  |  09. júl. 2008 13:50
Jæja góðir Valsmenn. Ég vil hvetja alla til að mæta og taka þátt í upphituninni fyrir KR-leikinn annað kvöld! Hittingur klukkan 1730 í Valsheimilinu, svo strætó í Skítaskjól klukkan 1920 þar sem verður sungið og trallað á leið vestur."

Það verður gaman að sjá framan í Valsmenn að leiktíð lokinni því hrokinn og drambið tefur framann. 

Góðu gengi KR fagnað.

Með sama áframhaldi fer maður að huga að því að bjóða Loga velkominn í KR.

Logi Ólafsson: Góð vörn frá fremsta til aftasta manns

Guðjón ekki ræna okkur gleðinni.

Guðjón Þórðarson og sumir leikmenn ÍA eru að ræna mig gleðinni af þeim frábæra leik sem fótboltaleikur er.

KR-sigur, eins sætur og hann er hverju sinni verður súr þegar fullorðið fólk hagar sér eins og lítil börn sem ekki hafa lært að taka mótlæti. 

Þessi menn eru að leggja dómara í einelti með miður skemmtilegum ummælum um þá og KSÍ ef ég skil skeytasendingarnar rétt.

Í stað þess að spila fótbolta sýna þeir ruddaskap á leikvelli með allri sinni framkomu; í orðum og athöfnum.

Guðjón hefur verið minn uppáhaldsþjálfari vegna yfirburðarþekkingar sinnar á leiknum og sálarlífi leikmanna.

Nú hefur mínum manni förlast svo um munar og bið ég því, Guðjón ekki ræna okkur gleðinni. 

Guðjón: „Augljóst hvert stefnir“

Mummi má ekki fara.

Við megum ekki við því að missa Guðmund Reyni strax. Hans hlutverk er stórt í velgengni KR að undanförnu og hann verður bara að gjöra svo vel og standa sig í stykkinu það sem eftir er leiktíðar.

Aðrir fá að njóta hæfileika hans síðar. 

Guðmundur í sigti Brann

FH verðandi meistarar.

Það er engum blöðum um það að fletta að FH-ingar eru með langbesta liðið í sumar.

Þeirra verður Íslandsmeistaratitillinn nema eitthvað alvarlegt slys hendi þá.

Það slys gæti verið KR sem er á blússandi siglingu og á harma að hefna gagnvart tveimur efstu liðunum. 

Davíð Þór: Þegar við spilum okkar bolta þá standast fá lið okkur snúning

Væl.

Það er ólíkt hetjunum af Skipaskaga að verða þekktir fyrir nöldur og væl eftir hvern kappleikinn á fætur öðrum.

Hysjið upp um ykkur og bítið á jaxlinn. 

„Hann sló mig í andlitið“