Píkuvísa í tilefni bloggs.

Af bloggi Heiðu Þórðar 18.12.07:
"Má ég frekar biðja um box með engum g-streng. Gæti ekki verið náttúrulegra og umhverfisvænna.
Annars er staðan sú að ég er nær dauða en lífi, skreið nánast heim í kvöld ...illa farið með góða konu. Rassakrem, tippate, og hvað þetta heitir allt saman kemur aldrei í stað langþráðrar hvíldar...
Þeir sem vilja minnast mín er bent á Samtökin; Brennum allar nærbuxur!"

Þarf ekki að stilla alla strengi
G-strengi líka
svo gleðin standi lengi
og skaðist ekki píka?

Samantekt á stóra Trúnaðarmannamálinu.

Stóra trúnaðarmannamálið hjá Strætó er komið í ákveðinn farveg og má ætla að framkvæmdastjórinn sendi frá sér yfirlýsingu um sína sýn þess á næstu dögum.

Það er nú samt svo að þegar tveir deila eru fleiri en ein hlið málsins og ekki er víst að aðeins annar málsaðili hafi rétt fyrir sér. Staðreyndir geta legið annarsstaðar og er þá þriðja og jafnvel fjórða hlið komin til skjalanna og engan veginn víst að aðilar máls hafi komið auga á kjarna þess.  Að minnsta kosti ekki allir.

Í hnotskurn er mál þannig vaxið að síðla október mánaðar var gengið til fulltrúakjörs hjá Starfsmannafélagi Reykjavíkur en langflestir starfsmenn Strætó eru félagar þar.

Fyrsti fulltrúi sem var kjörinn 2005 gaf ekki kost á sér til endurkjörs en var greinilega hugmyndafræðingur að kjöri nýrra fulltrúa og vann dyggilega með þeim. Honum mun hafa verið heitið vegtyllum næsta kjörtímabil m.a. í formi setu í nefndum sem gæfi honum svigrúm til frís vegna félagsstarfa (úps).

Fráfarandi fyrsti fulltrúi lagði á það áherslu að halda framboðsfundi með starfsmönnum og stýrði hann fundunum sjálfur. Eftir var tekið að frambjóðandi í sæti 1. fulltrúa fékk mikið mun lengri tíma til framboðsræðna sinna eða upp í tæpa hálfa klukkustund á meðan hann gekk fast á eftir öðrum að þeir hættu málflutningi eftir umsamdar 5 mínútur þótt þeim lægi meira á hjarta.

Annað sem vakti athygli manna var að fráfarandi fyrsti fulltrúi var annar kjörstjóra á kjörstöðum á vinnustað. 

Þriðja atriðið sem vakti óskipta athygli manna var að skömmu fyrir kjörfund hélt Starfsmannafélag SVR árshátíð sína sem var auglýst í miklum flýti, án þess að annað væri ákveðið en dagurinn. Með öðrum orðum lá meira á að ákveða dagsetninguna en stað og dagskrá. Því kom það ekki á óvart að aðalnúmer kvöldsins var fulltrúaefnið sem fékk að tala í tæpar 30 mínútur í 5 mínútna framsögu. Margorða fulltrúaefnið stundar nefnilega sjálfstæðan atvinnurekstur við hlið akstursstarfa og tróð upp á árshátíðinni með diskótekið sitt og fór á kostum að sagt var.

Menn sem sjá sér hag í að taka að sér félagsstörf til að geta fengið frí frá almennum störfum sínum hljóta að liggja undir grun um misferli þegar þeir annast eigin rekstur við hliðina, hvort sem það eru skífuþeytarar, tónlistamenn, rakarar, kennarar, mjólkurfræðingar eða bifvélavirkjar. Eigin rekstur, félagsstörf á víðtækum grundvelli og almenn launavinna, eiga bara ekki samleið. 

En aftur að stóra trúnaðarmannamálinu. Framkvæmdastjóri Strætó ,Reynir Jónsson var ósáttur við framkomu nokkurra nýkjörinna fulltrúa/trúnaðarmanna og gerði þeim það ljóst. Þeir aftur á móti firrtust við og sögðu af sér trúnaðarmannastörfum sem þeir voru settir í í smá hófi sem Starfsmannafélag Reykjavíkurborgar efndi til.

Ýmislegt hefur gerst síðan og ekki allt yfirvegað. Marga grunar að ekki sé öll sagan sögð, því ekkert var einfaldara en að biðjast afsökunar á yfirsjónum og málið þar með útkljáð. Sumir velja löngu leiðina að settu marki og er það allt í lagi, en ef  óhreint mjöl er í pokahorninu, ber þeim að upplýsa samstarfsmenn um það t.d í reglulegum fréttaflutningi DV af málinu, en ekki draga þá á asnaeyrum með tali um tittlingaskít.

Ég er hættur störfum í bili a.m.k. sökum krankleika og fylgist því með úr fjarlægð. Oftar og oftar kemur upp í huga minn setning sem síðasti fráfarandi fyrsti fulltrúi er með á heimasíðu sinni: " 2. fulltrúi er afar heiðarlegur og sannsögull maður".

Hvað er  hann að gefa í skyn? Ég efast ekki um að fráfarandi 2. fulltrúi/trúnaðarmaður sé strangheiðarlegur og velviljaður,  ég tala nú ekki um sé hann í góðum félagsskap.  En eru hinir sem sögðu af sér séu það ekki?

Er stóra trúnaðarmannamálið bara hagsmunir fárra einkarekstrarmanna en ekki heildarinnar?

Hagur starfsmanna Strætó og friður á vinnustað eru mér áhugamál.

Eru klitor.is og pen.is tengd?

Júlíus Valsson vakti máls á punktur is talinu sem einkennir málfar fólks um þessar mundir. Þetta kom upp í hugann áðan eftir að ég ég hugðist leggjast til svefnsen hafði ekki erindi sem erfiði.

Eru clitor.is og pen.is tengd í kvöld? 

Vissulega af sama meiði. 

Náhirðin hjá Strætó ybbar gogg.

Ég vil benda á bloggfærslu öryggistrúnaðarmanns hjá Strætó á moggabloggi í gær. Þeir sem til þekkja vita að öryggistrúnaðarmaður þessi er hluti af náhirðinni sem telur sig "eiga" Strætó eins og hann leggur sig með manni og mús.

Náhirðin hefur lagt starfsmenn í einelti og beitt sér fyrir skerðingu tekna þeirra í þeim tilgangi að þeir hafi hægt um sig 

Öryggistrúnaðarmaðurinn  sem er nýkomin af námskeiði m.a. um mannleg samskipti vegur að öllum þeim sem eru henni ekki sammála. Fyrri stjórnendur fyrirtækisins fá líka að heyra það.  Svo ég tali ekki um fyrrverandi trúnaðarmenn og annað samstarfsfólk.

Allir hugsandi menn hjá Strætó sjá að þessum hjaðningavígum verður að linna.

Náhirðin hefur aldrei litið glaðan dag og mun ekki gera. Henni ber að splundra.

 

Hvar finn ég sorann?

Ég legg oft kapal á Leikjaneti mér til dægrastyttingar meðan lífið rennur mér frá.

Engan hef ég fundið dónaskapinn ennþá. Hvernig í ósköpunum á ég að geta tekið undir með hneykslunarröddum þegar ég fer á mis við allan ósómann?

Ég vil taka það skýrt fram að mitt siðgæði er ekki síður tvöfalt en allra annarra.

Fáklæddar konur á vefjum tengdum Leikjaneti

Kastljósi sagnfræðinnar varpað á sögu aukinna ökuréttinda

Í gegnum tíðina hefur kostnaður við  svokallað meirapróf verið mikill, ekki síst þegar vinnutap o.fl. er tekið með í reikninginn.

Fátt hefur verið úrræða annað en að setjast á skólabekkinn og nema fræðin, gangast undir margvísleg próf og endurtaka ef illa gengur. Þetta er sú aðferð sem langflestir hafa notast við í áranna rás.

Seint á síðustu öld komst upp um menn sem höfðu brugðið sér í hlutverk miskunnsama Samverjans og opnuðu nýja leið fyrir áhugasama bifreiðastjóra sem gekk út á það að fá auknu ökuréttindin á skemmri tíma sem fólst í því að þeir greiddu bara kostnaðinn við meiraprófið og sluppu þar með við harðan skólabekkinn og misstu ekki dag úr vinnu.

Þetta nýnæmi starfsmanna Umferðarráðs mæltist ekki vel fyrir af yfirvöldum og var þeim gert að láta af athæfinu og leita sér annarra starfa.

Til að gera fólki auðveldara að lesa þær tvær fréttir sem ég fann í fljótu bragði í gömlum Morgunblöðum læt ég þær báðar fylgja hér á eftir:

"Laugardaginn 12. júní, 1999 - Innlendar fréttir
Ríkislögreglustjóri rannsakar meintar falsanir á ökuprófgögnum
Ökukennari og starfsmenn Umferðarráðs liggja undir grun
Ríkislögreglustjóri rannsakar meintar falsanir á ökuprófgögnum

Ökukennari og starfsmenn Umferðarráðs liggja undir grun

ÖKUKENNARI, sem úrskurðaður var í gæsluvarðhald á föstudaginn í síðustu viku, að beiðni ríkislögreglustjóra í þágu rannsóknar á meintum fölsunum á ökuprófgögnum, var látinn laus á fimmtudagskvöld. Hefur maðurinn játað að hafa falsað staðfestingu ökuprófdómara á ökuleyfisumsóknum ökunemenda þess efnis að þeir hefðu staðist próf um aukin ökuréttindi eða meirapróf og bifhjólaréttindi.

Virðist margt benda til þess að brotin hafi verið framin í auðgunarskyni, að sögn Helga Magnúsar Gunnarssonar, löglærðs fulltrúa hjá ríkislögreglustjóra. Að hans sögn eru hin meintu tilvik á annan tug talsins og áttu sér stað á síðasta ári og á fyrri hluta þessa árs.

"Á þessu stigi málsins höfum við ekkert sem bendir til þess að tilvikin séu fleiri," sagði Helgi Magnús í samtali við Morgunblaðið. "Náð hefur verið utan um drjúgan hluta þessara tilfella, þannig að mjög fáir ökunemendur eru nú akandi um með fölsk réttindi vegna þessarar starfsemi. Það verður gengið í það á vegum Umferðarráðs og ríkislögreglustjóra að taka réttindi þeirra úr umferð."

Naut aðstoðar starfsmanns Umferðarráðs

Við rannsókn málsins hefur komið í ljós að maðurinn naut í einhverjum tilvikum aðstoðar starfsmanns ökunámsdeildar hjá Umferðarráði, sem tengdist síðan enn öðrum starfsmanni Umferðarráðs vegna svipaðrar starfsemi. Hefur þeim báðum verið gert að mæta ekki til vinnu á meðan rannsókn málsins stendur yfir.

Að sögn Óla H. Þórðarsonar, framkvæmdastjóra Umferðarráðs, mun ákvörðun um hvort þeim verði vikið frá störfum liggja fyrir að lokinni rannsókn ríkislögreglustjóra.

"Við lítum þetta mál mjög alvarlegum augum og ég er mjög sár og hryggur yfir því að þetta skyldi koma fyrir, en er að vona að umfangið sé ekki mikið," sagði Óli H. Þórðarson. "Það er hins vegar ljóst að eitt tilvik af þessu tagi er of mikið."

Hann sagði að hjá Umferðarráði hefði þegar verið gripið til aðgerða vegna málsins og lúta þær m.a. að því að koma í veg fyrir að slíkt geti endurtekið sig.

"Aðgerðirnar felast m.a. í því að öll meðferð gagna Umferðarráðs hefur verið hert til mikilla muna. Reglan hefur verið sú að ökukennarar hafa sjálfir afhent gögn til lögreglustjóra til útgáfu ökuskírteina. Það hefur verið gert til að auðvelda hinum almenna borgara samskipti við hið opinbera, sem er stefna okkar. Þessu verðum við hins vegar að breyta, þannig að eftirleiðis fara allar sendingar af þessu tagi formlega á milli Umferðarráðs og viðkomandi lögreglustjóraembættis. Síðan skoðum við ofan í kjölinn öll þau mál sem um ræðir," sagði Óli H. Þórðarson."

Úr Morgunblaðinu:

"Miðvikudaginn 16. júní, 1999 - Innlendar fréttir

Rannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRannsókn á skjalafalsi ökukennara og starfsmanna Umferðarráðs að ljúkaFölsuð ökuréttindi nemenda verða innkölluðRÍKISLÖGREGLUSTJÓRI heldur áfram rannsókn sinni á meintu skjalafalsi, sem varðar falsanir á prófgögnum, sem ökukennari hefur játað að hafa staðið að á síðasta ári og þessu ári.

Tveir starfsmenn Umferðarráðs

sæta einnig rannsókn ríkislögreglustjóra vegna aðildar sinnar að svipaðri fölsunarstarfsemi en ekki liggur fyrir játning þeirra, nema að litlu leyti.Að sögn Helga Magnúsar Gunnarssonar löglærðs fulltrúa hjá embætti ríkislögreglustjóra er viðbúið að rannsókn málsins ljúki á næstu dögum og verður það síðan tekið til ákærumeðferðar. Tekið skal fram að engir aðrir starfsmenn Umferðarráðs hafa verið viðriðnir umrædd brot.Eins og fram kom í Morgunblaðiðnu á laugardag er um að ræða á annan tug tilvika þar sem ökunemendur hafa fengið ökuskírteini með auknum ökuréttindum án þess að hafa gengist undir próf til þeirra ökuréttinda og bifhjólaprófs, en ríkislögreglustjóri, sem er í samstarfi við Umferðarráð vinnur að því að innkalla fölsuð ökuskírteini í umferð og komast að því hvort hugsanlega sé um fleiri tilvik að ræða, þótt fátt bendi til þess á þessu stigi málsins.

90-120 þúsund krónur fyrir aukin ökuréttindi

Um 5-6 vikur tekur að öðlast aukin ökuréttindi, en slík réttindi kosta á bilinu 90-120 þúsund krónur, að sögn Kjartans Þórðarsonar deildarsérfræðings í ökunámsdeild Umferðarráðs. Alls eru starfræktir 8 ökuskólar í landinu og stunda 5-600 nemendur árlega nám til aukinna ökuréttinda á þeirra vegum. 120 klukkustunda bóklegt nám liggur að baki fullgildu meiraprófi og þurfa nemendur að ljúka sex námsþáttum í bóklegri hlið námsins auk verklegs náms. Af bóklegum fögum eru kennd umferðarfræði, stjórn stórra ökutækja, bifreiðartækni I og II, ferða- og farþegafræði og skyndihjálp. Þreyta nemendur síðan lokapróf í bóklegum fræðum innan veggja hvers ökuskóla fyrir sig, en prófúrlausnum er skilað til Umferðarráðs til athugunar.Ljóst er að um talsvert mikla vinnu er að ræða til að ná auknum ökuréttindum og bendir margt til þess ekki hafi farið fram neitt nám hjá þeim nemendum sem fengu skírteini sín í hendur með þeim hætti, sem nú er verið að rannsaka.

Ennfremur bendir ýmislegt til þess að nemendurnir hafi greitt svipaðar fjárhæðir fyrir prófskírteini sín og þeir hefðu að öðrum kosti gert hefðu þeir farið hina hefðbundnu leið í gegnum námið.

Þótt sýnt sé að þeir hafi vitað af brotum hinna grunuðu, bendir ekkert til þess að þeir hafi átt beina hlutdeild að skjalafalsinu og ljóst er að þeir hafa ekki haft neinn annan hagnað af brotunum en þann að spara sér námstímann, að því er kemur fram í samtali við Helga Magnús Gunnarsson. Sá sparnaður mun hins vegar fara fyrir lítið þegar réttindi þeirra sem aflað hafði verið handa þeim með saknæmum hætti, verða innkölluð."

Svo mörg voru þau orð.

HLF. 

 

Dísella enginn ættleri.

Mikið er gaman þegar landanum gengur vel í harðri keppni þeirra bestu. Ekki er verra að þær systur eru þekktar fyrir hógværð og fallega framkomu.
Til hamingju.

Dísella syngur með Billy Joel

Lay Low hittir mig í hjartastað

Hvar fæ ég plötuna hennar Lay Low? Lagið sem hefur verið spilað í auglýsingum um leikritið Ökutímar hljómar í hausnum á mér í tíma og ótíma.

Er platan komin út og ef svo er hvar fæst hún?

Fundarlaun. 

Margt ógeðfellt að koma upp á yfirborðið.

Eftir að ég hætti störfum hjá Strætó berast mér sífellt fleiri fréttir sem ekki þola dagsins ljós af aðferðum starfsmanna fyrirtækisins.Þar er helst talað um svikráð, sérstæða meðferð fjármuna, róg, samsæri, skemmdarverk og margt fleira. Gefur ekkert heitustu sápuóperum eftir. Þegar æ fleiri hafa samband við mig um sömu hlutina og biðja mig að koma á framfæri fer ég að trúa að ekki sé allt með felldu. Betra er að sofa á upplýsingunum, allavega í nótt þótt pressan sé töluverð að uppljóstra.

Maðkur í mysunni.

Úr Morgunblaðinu:

Laugardaginn 12. júní, 1999 - Innlendar fréttir
Ríkislögreglustjóri rannsakar meintar falsanir á ökuprófgögnum
Ökukennari og starfsmenn Umferðarráðs liggja undir grun
Ríkislögreglustjóri rannsakar meintar falsanir á ökuprófgögnum

Ökukennari og starfsmenn Umferðarráðs liggja undir grun

ÖKUKENNARI, sem úrskurðaður var í gæsluvarðhald á föstudaginn í síðustu viku, að beiðni ríkislögreglustjóra í þágu rannsóknar á meintum fölsunum á ökuprófgögnum, var látinn laus á fimmtudagskvöld. Hefur maðurinn játað að hafa falsað staðfestingu ökuprófdómara á ökuleyfisumsóknum ökunemenda þess efnis að þeir hefðu staðist próf um aukin ökuréttindi eða meirapróf og bifhjólaréttindi.

Virðist margt benda til þess að brotin hafi verið framin í auðgunarskyni, að sögn Helga Magnúsar Gunnarssonar, löglærðs fulltrúa hjá ríkislögreglustjóra. Að hans sögn eru hin meintu tilvik á annan tug talsins og áttu sér stað á síðasta ári og á fyrri hluta þessa árs.

"Á þessu stigi málsins höfum við ekkert sem bendir til þess að tilvikin séu fleiri," sagði Helgi Magnús í samtali við Morgunblaðið. "Náð hefur verið utan um drjúgan hluta þessara tilfella, þannig að mjög fáir ökunemendur eru nú akandi um með fölsk réttindi vegna þessarar starfsemi. Það verður gengið í það á vegum Umferðarráðs og ríkislögreglustjóra að taka réttindi þeirra úr umferð."

Naut aðstoðar starfsmanns Umferðarráðs

Við rannsókn málsins hefur komið í ljós að maðurinn naut í einhverjum tilvikum aðstoðar starfsmanns ökunámsdeildar hjá Umferðarráði, sem tengdist síðan enn öðrum starfsmanni Umferðarráðs vegna svipaðrar starfsemi. Hefur þeim báðum verið gert að mæta ekki til vinnu á meðan rannsókn málsins stendur yfir.

Að sögn Óla H. Þórðarsonar, framkvæmdastjóra Umferðarráðs, mun ákvörðun um hvort þeim verði vikið frá störfum liggja fyrir að lokinni rannsókn ríkislögreglustjóra.

"Við lítum þetta mál mjög alvarlegum augum og ég er mjög sár og hryggur yfir því að þetta skyldi koma fyrir, en er að vona að umfangið sé ekki mikið," sagði Óli H. Þórðarson. "Það er hins vegar ljóst að eitt tilvik af þessu tagi er of mikið."

Hann sagði að hjá Umferðarráði hefði þegar verið gripið til aðgerða vegna málsins og lúta þær m.a. að því að koma í veg fyrir að slíkt geti endurtekið sig.

"Aðgerðirnar felast m.a. í því að öll meðferð gagna Umferðarráðs hefur verið hert til mikilla muna. Reglan hefur verið sú að ökukennarar hafa sjálfir afhent gögn til lögreglustjóra til útgáfu ökuskírteina. Það hefur verið gert til að auðvelda hinum almenna borgara samskipti við hið opinbera, sem er stefna okkar. Þessu verðum við hins vegar að breyta, þannig að eftirleiðis fara allar sendingar af þessu tagi formlega á milli Umferðarráðs og viðkomandi lögreglustjóraembættis. Síðan skoðum við ofan í kjölinn öll þau mál sem um ræðir," sagði Óli H. Þórðarson.

Gömul frétt, en sígild?