Maður á mann

Nú vinna allir Sjálfstæðismenn sem  einn og tryggjum flokknum glæsilega kosningu. Hvert atkvæði skiptir máli til að forða þjóðinni frá annarri vinstristjórn. 

Sjálfstæðisflokkur bætir við sig

Góður kostur

Kostur er fyrirmyndarverslun. Vöruval gott og verð með því lægst sem hér á landi finnst. 

ASÍ gerir verðkannanir sem ekki samræmast metnaði góðra kaupmanna því  ASÍ leggur ekki áherslu á gæði fyrir hverja krónu eins og ætti að vera.

Að undanförnu hef ég keypt ávexti í Bónus. Oftar en ekki eru þeir ónýtir á einum til tveimur dögum í skál á borðinu hjá mér. Bónus selur þá ekki dýrt miðað við aðra, en annarsstaðar er lögð áhersla á gæði.

Bónus kaupir gjarnan ávexti og grænmeti erlendis frá sem á að öðrum kosti að kasta á haugana.

Kostur kaupir gæðavöru inn fyrir sína viðskiptavini og allir nema ASÍ virðast meta það við kaupmanninn. 

Reyndi að stöðva ASÍ

Ekkert mál til lykta leitt nema...

Í sjálfu sér er ekki fréttnæmt að ríkisstjórnin ámálgi hin og þessi mál við erlend ríki. Aðild að ESB og fríverslunarsamning við Kína svo eitthvað sé nefnt.

Eftir meira en fjögur ár á valdastóli hefur ríkisstjórnin ekki lokið einu einasta máli.

Ekkert hefur verið leitt til lykta nema hér innanlands og er þá nær eingöngu um að ræða skattahækkanir og nýja skatta.

Hvatti til samstarfs á Drekasvæðinu

Aðförin ógeðsleg

Aðförin að Bjarna hefur verið ógeðsleg. Leikir sem lærðir hafa rægt hann og nítt með dylgjum um glæpsamlegt athæfi sem ekki á sér stoð.

Prestar og prelátar hafa í ræðu og riti sagt hann glæpamann í einhverju vafningsmáli. Engin rök. Engar sannanir. Megi þau öll hafa skömm fyrir.

Einelti sem þetta hefur tæpast sést á landinu síðan alnafni hans var forsætisráðherra. Mörgum er það í fersku minni þegar allaballar héldu drykkjuveislur og dönsuðu á götum úti þegar fregnir bárust af sviplegu andláti hans og fjölskyldu í bruna á Þingvöllum.

Bjarni Benediktsson er heilsteyptur, heiðarlegur og góður drengur sem ekki má vamm sitt vita. Líklega hopar hann og gefst loksins upp fyrir rógstungum illa innrætts fólks. Sama fólk kennir sig gjarnan við mannúð og réttlæti.

Tilgangurinn að grafa undan Bjarna

Skellur ef

Það yrði mikill missir ef einn allra hæfast þingmaður landsins, Guðlaugur Þór Þórðarson félli af þingi. Víð kjósendur í Reykjavík suður getum tryggt áframhaldandi setu hans. 

Framsókn með 29%

Veit hvað hann syngur

Júlíus Vífill virðist með á nótunum um nauðsyn innanlandsflugvallar í Vatnsmýrinni.

Flugvöllurinn sem nýtist líka Færeyingum og Grænlendingum þarf að fá framtíðar lögheimili á þessum stað.

Skammsýni borgaryfirvalda um áratugaskeið hefur orðið okkur borgarbúum og landsmönnum öllum til háborinnar skammar. Flugstöðin er í hrófatildrum sem fyrir löngu er orðnir of lítil og bílastæðin við hana eru úr öllum takti við þarfir nútímamannsins.

Júlíus Vífill Ingvarsson veit svo sannarlega hvað hann syngur. 

Heimila stækkun flugstöðvarinnar

Ryk

Ólafur og félagar reyna allt sem þeir geta til að gera sérstakan saksóknara tortryggilegan í augum dómstóla og almennings. Við þekkjum aðferðir Framsóknarforkólfanna við að slá ryki í augu almennings.

„Við förum í að skoða þetta“

Blaut tuska

Bragð lögmanna ákærðra er sem blaut tuska í andlit almennings.

Málið er ekki einkamál saksóknara og lögmanna ákærðra og lögmönnunum til minnkunar. 

Lögmenn fundu glufu til að tefja

Leita samúðar hjá almenningi

Gestur Jónsson og Ragnar Hall ákalla almenning um aðstoð við vörn bankahrunsforkólfa.

Sérstakur saksóknari Ólafur Þór Hauksson er hvergi banginn. 

Hafa þeir árangur sem erfiði?

Um 50 eiga að bera vitni í málinu

Váleg tíðindi

Verði þetta tölurnar sem uppúr kjörkössunum koma er næsta víst að önnur vinstristjórn lítur dagsins ljós á þessari öld.

Þvílík ógn og skelfing fyrir landsmenn að Samfylking og Vg verði aftur leidd til stjórnarborðsins og það af framsóknarmaddömunni.

Framsókn fengi 40%