Fagleg vinnubrögð Jóhönnu og Steingríms.....

Þegar rætt er um sekt eða sýknu embættis- og stjórnmálamanna vegna aðildar þeirra að bankahruninu virðist mikið stangast á. Þrír bankastjórar Seðlabanka Íslands voru ófrægðir af meiri heift en áður var þekkt hér á landi og hraktir úr starfi. Einum aðal hvatamanni að Icesave af hálfu hins opinbera sem til er skjalfest m.a. í auglýsingabæklingum er hins vegar hossað og hampað. Nú síðast með stöðu formanns stjórnar  Íslandsbanka.

 

Fyrningarfrestur þrjú ár

Athugasemdir

[Baldur Hermannsson, 28.12.2009 kl. 13:21]

Þetta er hárrétt ályktun hjá þér. Mér hefur alltaf líkað vel við Jón Sigurðsson, fágaður maður og vel menntaður - en þessi ráðstöfun er algerlega á skjön við allt sem gerst hefur í þjóðfélaginu og á skjön við allar yfirlýsingar vinstri flokkanna. Það er eins og ekki sé lengur til heil brú í þessu fólki.

[Gísli Foster Hjartarson, 28.12.2009 kl. 13:31]

Tek nú undir með Baldri - þetta er auma samfélagið sem að við búum í.

[Heimir Lárusson Fjeldsted, 28.12.2009 kl. 14:22]

Jón Sigurðsson er hæfur maður og vandaður ekki síður en bankastjórarnir þrír sem urðu frá að hverfa. Það er vinnubrögðin sem eru gagnrýniverð.

[Árni Gunnarsson, 28.12.2009 kl. 17:15]

Eru það þá meðmæli að hafa verið hagfræðingur Seðlabankans í aðraganda bankahrunsins og jafnframt stjórnarformaður Fjármálaeftirlitsins ef ég man rétt?

En ber að skilja varnarræðuna um bankastjóra Seðlabankans á þá lund að sú hræódýra stofnun Seðlabankinn hafi engan íhlutunarrétt um útþenslu einkabanka erlendis ellegar hérlendis? Ef svo er þá legg ég til að dyravörður stofnunarinnar verði hækkaður um sirka 70% og bankastjórarnir "item"  hagfræðingarnir lækkaðir um sama hlutfall.

Það væri í það minnsta einnar snemmbæru virði ef hér tækist að koma á einhverri varnarstofnun handa samfélaginu gegn þjófum og ræningjum eigin þjóðar umfram lifrarpylsukepp á síðasta söludegi aukinheldur.

Ekki kæmi mér á óvart þó allir okkar út/innrásarglæpamenn ættu sér formælendur sem fúsir væru til að kalla þá hæfa menn og vandaða í hvívetna.

[Heimir Lárusson Fjeldsted, 28.12.2009 kl. 17:22]

Málið er frændi, að jafnvel vönduðustu mönnum varð á í messunni. Ég er síðastur manna að bera blak af Samfylkingarspillaröflunum en hver og einn á að njóta sannmælis.