Aulahúmor og útúrsnúningar

Umræðurnar um Icesave á Alþingi eru kostulegar. Sumir ræðumenn tala eins og þeir séu á málfundaræfingu í framhaldsskóla. Ekki eins og þeir ættu að tala þegar jafnalvarlegt mál er á dagskrá sem fjárhagsleg afkoma þjóðarinnar um ókomin ár. Aulahúmor og útúrsnúningar eiga ekki heima á Alþingi í dag.

Meðan á umræðunum stendur ræðst svo einn ráðherrann með offorsi að undirstöðuatvinnuvegum þjóðarinnar á fundi ASÍ sbr. frétt RÚV í hádeginu:

„Árni Páll Árnason félagsmálaráðherra sagði á ársfundi Alþýðusambands Íslands í morgun að það væri íhugunarefni að grátkór og kveinstafir útgerðar- og álfyrirtækja yrðu háværari meðan launafólk stillti kröfum í hóf. Íslendingar mættu ekki verða ginningarfífl stóriðju- og útgerðarauðvalds. Atvinnulífið þyrfti að leggja sitt af mörkum. Afkoma sjávarútvegs hefði til dæmis batnað gríðarlega vegna gengisfellingarinnar.“

Er ekki full þörf á að jarðtengja ríkisstjórnina? 

Þung orð falla um Icesave

Athugasemdir

[Sigurbjörg Eiríksdóttir, 22.10.2009 kl. 15:38]

Það virðist vera takmarkaður skilningur á því að ef atvinnulífið hrynur..þá hrynur allt! Ég hélt meira að segja að það stæði illa nú þegar.

[Heimir Lárusson Fjeldsted, 22.10.2009 kl. 15:46]

Laukrétt SIlla. Ég hefði skilið ungan Æskulýðsfylkingarmann tala aðalútflutningsgreinarnar niður á þennan hátt, en að ráðherra í ríkisstjórn á því herrans ári 2009, NEI..