Af tvennu illu

Samfylkingin og Ingibjörg Sólrún Gísladóttir þurfa að spyrja sig hvor kosturinn sé betri, að hafa Davíð þar sem hann er og láta af skítkasti í hans garð þar sem hann má ekki svara fyrir sig eða að fá hann aftur í stjórnmálin þar sem hann einn getur tekið a.m.k. 30% fylgi af Samfylkingunni.

 

Davíð: „Þá mun ég snúa aftur"

Athugasemdir

[Sumarliði Einar Daðason, 4.12.2008 kl. 07:21]

Þetta varpar fram spurningunni: Hver hefur valdið í landinu?

Hvað hefur hann á ríkisstjórn Íslands sem gerir það að verkum að hann má eyðileggja þjóðina?

[Axel Jóhann Hallgrímsson, 4.12.2008 kl. 09:06]

Samkvæmt skoðanakönnun Fbl 22. nóv. fengi Davíð 4,7% fylgi í sérframboði. Sjálfstæðisflokkurinn fengi 7,8% ef Davíð leiddi flokkinn.

Ekki vænlegt, en auðvitað er þetta ekki marktæk könnun.

Ég segi bara....ekki hóta endurkomu í pólitík Davíð, komdu aftur fyrir alla muni! Þá losnum við við þig bæði úr bankanum og pólitík.

[Heimir Lárusson Fjeldsted, 4.12.2008 kl. 13:19]

Ekki treysta þessum tölum of vel Axel.

[Axel Jóhann Hallgrímsson, 4.12.2008 kl. 14:25]

Hvaða tölum á að treysta Heimir? Meintum samtölum, eintölum, úrtölum og fortölum Davíðs sem ekki fást birt og rétttrúaðir kokgleypa án þess að vita innihaldið?

[Heimir Lárusson Fjeldsted, 4.12.2008 kl. 16:52]

Ég ber fyllsta traust til Davíðs Axel og er sannfærður um að ef hann fer af alvöru af stað í framboð og öll kurl eru komin upp á borðið í efnahagshruninu, þá muni hann sópa að sér atkvæðum og taka þau helst af flokknum sem liggur á upplýsingum bæði fyrir almenningi sem samherjum.

Þau vildu ekki trúa því að útrásin væri loftbóla því Samfylkingunni hafði borist svo mikið fé frá Jáni Ásgeiri.