Ómar fer á undarlegum kostum.

Ég hef fylgst með atferli Ómars Ragnarssonar undanfarna daga. Ég er í senn undrandi og dapur að horfa uppá þessi undarlegheit. Hvað gengur manninum til? Veit hann ekki að það þýðir ekkert að berja hausnum við steininn lengur. Hann leggur til að gera skarð í stífluna! Eiga forystumenn Landsvirkjunar og þjóðarinnar að svara svona fíflagangi og reyna að halda andlitinu?
Er enginn sem getur opnað augu mannsins? Ómar sagði ekki orð þega Reykjavíkurborg hóf grjótnám í Geldinganesi með hörmulegum afleiðingum, þegar Ingibjörg Sólrún ætlaði að flytja Geldinganesið vestur í bæ. Opið og gapandi sár á viðkvæmum stað í borginni situr eftir. Ekki orð frá Ómari. Er það vegna þess að hann getur ekki gert þætti og heimildarmyndir um ódæðið? Er ekkert á þessu að græða?
Hvernig væri að Ómar leggði fram hugmyndir um hvernig bæta má skaðann á Geldinganesinu? Ómar er hugmyndaríkur og væri ekki skotaskuld úr að koma með gagnlegar hugmyndir um sárabót þar.

Athugasemdir

[Tryggvi (IP-tala skráð) 30.9.2006 kl. 10:55]

Hvað er að grjótnáminu á geldinganesi? Hvaða "opið og gapandi sár" er svona skelfilegt? Þetta sést varla. Þarna verður drauma aðstaða í framtíðinni fyrir smábáta og kajaka.

[Jón (IP-tala skráð) 30.9.2006 kl. 18:16]

Hvar var Ómar þegar ákveðið var bora Héðinsfjarðargöngin. Og hvar var Ómar þegar ákveðið var að spilla Hellisheiðinni af ljótum rörum.

[Heimir Lárusson Fjeldsted, 4.10.2006 kl. 12:10]

Ómar hefur verið góður fréttamaður á stundum, en enginn er hafinn yfir gagnrýni, ekki einu sinni Ómar Ragnarsson.