Fúsk

Fyrir breytinguna á ferðaþjónustu fatlaðra í lok síðasta árs, var þjónustan með þeim hætti að til mikillar fyrirmyndar var. Stjórnun, skipulag og framkvæmd var unnin af vönduðu fólki sem setti allan sinn metnað í að sinna viðkvæmum viðskiptavinum sem best.

Af óskiljanlegum ástæðum var hætt við þetta fyrirkomulag, starfsmenn með langan og flekklausan feril fengu pokann sinn og í þeirra stað ráðnir reynslulausir og í tilvikum óábyrgir menn.

Það ber að varast að gera málið pólitískt, en greinilega er ekki staðið faglega að verki og rík ástæða er til að bæta úr sem fyrst.

Hvað með að leita í smiðju fyrrum starfsmanna?

Stúlkan sem sat ein í bílnum

Athugasemdir

[Sigurbjörg Eiríksdóttir, 5.2.2015 kl. 11:44]

Það er skelfilegt að um lesa þetta mál og mörg fleiri alvarleg. Landsmenn horfa upp á hrikaleg mistök sem eiga sér upptök í græðgi. Tilraun til sparnaðar myndi einhver segja. Að segja upp reynslumiklu fólki sem hefur kannski í áratugi unnið með þennan viðkvæma málaflokk og bjóða út starfsemina til að þurfa að borga minna. Aðilar keppast við að undirbjóða sama hver afleiðingin verður. Þetta er þekkt á verktakamarkaði en er ekki orðin tími til að segja stopp þegar málið varðar viðkvæmar manneskjur! Hvað skyldu margir reynsluboltar á þessu sviði sitja heima núna atvinnulausir?