Dómurinn

felst í kjörsókninni. Svo mjög hafa borgarfulltrúar dregið lappirnar í stórum málum sem snerta daglega okkur borgarbúa eins og skattahækkanir, aukin mengun vegna seinagangs í umferð, lokun gatna og þrengingar, aukinn kostnað við yfirstjórn borgarinnar og stóraukin völd embættismanna.

Hefðu borgarfulltrúar staðið betur í lappirnar væri kjörsóknin meiri og línurnar skýrari. Svigrúm hefði verið minna fyrir nýja að koma inn. 

Ekki dómur yfir borgarfulltrúum

Athugasemdir

[Heimir Lárusson Fjeldsted, 17.11.2013 kl. 09:28]

Ekki má gleyma slælegri frammistöðu í flugvallarmálinu, en það eina mál virðist hafa fleytt Halldóri í oddvitasætið.

[Sævar Helgason, 17.11.2013 kl. 10:20]

Fyrst og fremst er kjörsókn og niðurstaðan áhugaleysi fyrir Sjálfstæðisflokknum. Ef fólkið er svona óánægt með hvernig stjórnun borgarmála er hjá núverandi umsýslumönnum- þá átti það að vera mikill hvati til að styðja við sitt fólk í prófkjörinu. Það hefði sýnt sterkan vilja til breytinga. Niðurstaðan er því sú að fólkið er bara ánægt með þá stjórnun sem verið hefur á Borginni undanfarið kjörtímabil. Þessi prófkjörsþáttaka er mikil viðurkenning fyrir núverandi stjórnarflokka í Borginni.

[Axel Jóhann Hallgrímsson, 17.11.2013 kl. 17:27]

Það er trúlega rétt hjá þér Heimir að flugvallarmálið hafi bjargað Halldóri. Raunar skil ég ekki þessa flugvallarfóbíu, hvar svo sem menn í flokki standa. Mér er fyrirmunað að sjá hag borgarinnar af því að fjarlægja flugvöllin. Það mætti ætla af látunum að flugvallarstæðið sé síðasta byggingarland borgarinnar. Ætli hafnirnar verði svo teknar næst og færðar í önnur sveitafélög, svo hægt verði að fylla þær upp og taka undir íbúabyggð.

[Heimir Lárusson Fjeldsted, 17.11.2013 kl. 20:37]

Ekki er langt síðan að borgarfulltrúar ætluðu að ryðja fiskvinnslu og útgerð ú Örfirisey til að byjja íbúðir og leggja hjólastíga.

Sem betur fer var hægt að koma vitinu fyrir þá, að minnsta kosti tímabundið.

Nú er það flugvöllurinn og göturnar sem eiga að víkja.

Ung kona talaði í morgun í þætti hjá Gísla Marteini að bílastæðin tækju og mikið af dýru byggingalandi.

Ég hefði ekki trúað því að óreyndu að svona margt menntað fólk væri svona barnalega þröngsýnt.