Pottur brotinn?

Ögmundur ýjar að því að ekki sé hreint mjöl í pokahorninu hjá Óðni fréttastjóra og Páli vini hans. Einkaútvarp Páls og Óðins (RúvPÓ) verður að sjálfsögðu að vera með hreint borð, engan pott brotinn og hreint mél í öllum pokahornum áður en það fer að skýra frá ferðum hans hátignar innanríkisráðherra Ögmundar Jónassonar.  

RÚV gefi skýrslu um ferðir starfsmanna

Athugasemdir

[Sleggjan og Hvellurinn, 25.10.2011 kl. 14:22]

það er fáránlegt að benda á einhvern annan.

Ögmundur verður að svara fyrir sitt bruðl í miðri kreppu á meðan hann getur ekki hækkað laun lögreglumanna þá fer hann í marg milljóna ferð til Mexico.

Ekki stórmannlegt hjá Ögmundi að fara í kerfi og benda á annan.

[Rauða Ljónið, 25.10.2011 kl. 14:30]

Tveir fyrir hönd innanríkisráðuneytisins: Ögmundur Jónasson innanríkisráðherra og Jóhannes Tómasson upplýsingafulltrúi.

Hver var kostnaður við ferðina?

Flugfargjöld fyrir báða fulltrúa ráðuneytisins námu kr. 329.015 og dagpeningar kr. 725.414.

Svo þetta er þrír menn ekki einn.

[Sleggjan og Hvellurinn, 25.10.2011 kl. 14:44]

þetta eru heil MÁNAÐARLAUN margra lögreglumanna. Fyrir nokkra daga ferð.

Þetta er óábyrgt bruðl hjá Ögmundi.

Ögmundur er að segja. "það þarf að skera niður"...............   allstaðar nema hjá mér.

[Hjörtur Herbertsson, 25.10.2011 kl. 14:58]

En hvað með allar utanlandsferðir forsetans?

[Anna Sigríður Guðmundsdóttir, 25.10.2011 kl. 15:15]

Það er stórfurðulegt hvernig starfsfólk RÚV lætur mafíustjórnendur bankanna múta sér til að svíkja í einu og öllu almenning í landinu. Þvílíkur heigulsháttur og blind græðgi. Almenningur á heimtingu á að fá nú sundurliðað jafn nákvæmlega hvað það hefur kostað þjóðina að borga undir Össur Skarphéðinsson, og hvert hann hefur þvælst dýrum dómi, á meðan almenningur sveltir sig fyrir bankamafíuna. Hvernig væri svo að greina frá því líka hvenær og til hvers Jóhanna blessunin hefur verið að laumupokast um í Brussel-höll friðarins, "eina sanna og réttláta". Friðarbandalagsins sem er farinn að kosta fólk víðsvegar um Evrópu aleiguna, og hneppa almenning þar í þrældóm um ókomna framtíð, til að "bjarga" ránsbönkum í ESB!

Svo væri ekki verra að fá upplýsingar frá rannsóknar-RÚV, um hverjir eiga að nafninu til ráns-bankana á Íslandi.

Þessi verkefni ættu að duga starfsfólki RÚV-allra-landsmanna í smá tíma, það er að segja ef þeir vilja yfir höfuð sleppa við kærur á sig vegna þess að sinna ekki sinni lögboðnu skyldu sem starfsmenn ríkisútvarpsins.

Almenningur er búinn að fá of stóran skammt af svikum ránum og lygum, og gleymst hefur að bæta inn í heilbrigðiskerfið meðferð við of stórum og hættulegum skammti af svikum, ránum og lygum. Svo nú þarf heilbrigðisráðherra að bretta upp ermar og bjarga því sem bjargað verður. Það er nefnilega ekki í verkahring Björgunarsveitanna að bjarga fólki frá bankaræningjum og þeirra þjónum.

Ef þetta er of flókið fyrir heilbrigðisráðherra, þá ber honum skylda til að segja almenningi hreinskilningslega frá hvers vegna!!!

Tími fjölmiðla-þöggunar um svikamál, rán og blekkingar er útrunninn.

M.b.kv.

[Sleggjan og Hvellurinn, 25.10.2011 kl. 16:36]

held að það er meira viðeigandi að utanríkisráðherra fer til útlanda heldur en innanríkisráðherran.