Þráinn talar hlýlega við jafningja

Þráinn Bertelsson þingmaður er einn af fáum sem talar við dýr með árangri. Kúastofninn tók vel í afsökunarbeiðni Þráins að sögn konu hans og vina í Grjótaþorpinu.

Kýrnar ku ekki hafa kært sig um samlíkingu Þráins sem hann skrifaði á Fasbókina og höfðu sent honum áskorun um afsökunarbeiðni.

Jón Bjarnason sem fer með landbúnaðarmál í ríkisstjórn Jóhönnu Sig. má fara að vara sig þegar slíkur afburðamaður er kominn í sama flokk og hann.

Okkur sauðsvörtum þykir hinsvegar alvarlegt ef þingmaður kýs frekar að biðja skynlausar skepnur afsökunar á framferði sínu, en vitiborna þegna þessa lands. 

Bað kýrnar afsökunar

Athugasemdir

[Axel Jóhann Hallgrímsson, 9.5.2011 kl. 20:01]

...og er það ástæðan fyrir því að Sjálfstæðisflokkurinn hefur ekki enn látið verða af því að biðjast afsökunar á hrunstefnu sinni að hann telur þjóðina ekki nægjanlega vitiborna til að eiga afsökunarbeiðni skilið!

[Heimir Lárusson Fjeldsted, 9.5.2011 kl. 20:12]

Nú ertu kátur, Axel;)

[Heimir Lárusson Fjeldsted, 9.5.2011 kl. 20:15]

Axel, manstu hvaða flokkur var með Sjálfstæðisflokknum í ríkisstjórn og átti að sjá um efnahags- og bankamál?

Manstu hver var formaður stjórnar Fjármálaeftirlitsins?

Manstu hver skrifaði lofrullu í auglýsingabækling Landsbankans vegna Icesave?

Manstu hver hélt lofræðu um Baug í Borgarnesi, sem síðan var nefnd Borgarnesræðan?

[Svavar Bjarnason, 9.5.2011 kl. 20:41]

Heimir er búinn að gleyma hvaða FLokkur gaf gulldrengjum sínum bankana og leyfði þeim svo að fara með allt til hel******.

Heimir er líka búinn að gleyma því að hrunið var orðið gjörsamlega óhjákvæmilegt árið 2007, þó menn hafi ekki séð það þá.

[Axel Jóhann Hallgrímsson, 9.5.2011 kl. 20:49]

Ég veit það Heimir hvaða flokkur var í stjórn með Sjálfstæðisflokknum þegar hrunið reið yfir. Ég yfirgaf þann flokk með skeyti daginn sem Ingibjörg og Geir opinberuðu trúlofun sína á Þingvöllum! 

En þú veist eins og ég Heimir, að hrunið var ekki hannað í tíð þeirrar stjórnar. Sjúkdómurinn var of langt genginn til að andlátinu yrði forðað þegar hún tók við. En báðir flokkarnir brugðust gersamlega skyldum sínum að viðurkenna orðin hlut í banalegunni. 

Nú er fyrrverandi forsætisráðherra stefnt fyrir landsdóm, réttilega, en þar ætti hann ekki að sitja einn! Í það minnsta hefði Ingibjörg átt að sitja þar með honum, sameiginlega héldu þau, vísvitandi, bankamálaráðherranum sem ábyrgðina bar, meira og minna frá málinu.

Nei Heimir, ég er ekki kátur!