Lifi kommúnisminn

Fólk grætur yfir atvinnumissi Það sér líka fram á missi húsnæðis og upplausn fjölskyldna. Ríkisstjórnin hamlar öllum tilraunum fólks til að byggja upp atvinnu bæði í Þingeyjarsýslum og á Suðurnesjum.

Ríkisstjórnin bullar og blaðrar og er ráðalaus með öllu. Eina sem þau virðast geta er að halda dauðahaldi í stólana sína. Mannréttindaráðherra hyggst reka 600 opinbera starfsmenn á næsta ári. Hann var áður formaður heildarsamtaka þeirra.

Engar virkjanir, engin álver. Alls ekki sjúkrahús á Vellinum og engan veginn gagnaver á sama stað. Erlent félag með leiguherþotur til þjálfunar. Nei. Fólk gæti fengið atvinnu og bjargað sér. Allt bundið í fjötra að hætti afturhaldskommatitta. 

Menntakerfið blómstrar. Sjö háskólar og stærstu bílastæði landsins við þá. Sendiráð um allan heim og ráðherrar og sendinefndir sofandi á fundum vestan hafs og austan.

Rekum fólkið og skerum niður við aldraða og öryrkja. 

Lifi kommúnisminn. 

„Fólk fór að gráta“

Athugasemdir

[Gunnar Heiðarsson, 7.10.2010 kl. 22:14]

Það styttist sjálfsagt í samyrkjubúin!

[Heimir Lárusson Fjeldsted, 7.10.2010 kl. 22:20]

Þau koma fyrr en varir;)