"Talið er að um utanbæjarmann hafi verið að ræða"

26.5.2010 | 11:04

"Talið er að um utanbæjarmann hafi verið að ræða"

Þannig enduðu allar slysa-, ráns- eða ofbeldisfréttir frá Akureyri fyrir nokkrum áratugum síðan. Það virtist heimamönnum óhugsandi að heimamenn gerðu eitthvað það af sér sem braut gegn siðferði eða lögum.

Það sama virðist upp á teningnum hjá Seltirningum sbr. eftirfarandi úr fréttinni:

"Þar segir að vélunum sé ætlað að fylgjast með umferð inn og út úr bænum en með því verði unnt að leita í upptökur þegar afbrot eigi sér stað í bæjarfélaginu."

Er þetta ekki svolítið hrokafullt þegar tekið er tillit til að Seltirningar eru með bestu granna sem þeir geta hugsað sér, eða eiga skilið Wink

	Eftirlitsmyndavélar settar upp á Seltjarnarnesi
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Eru þeir hrokagikkir Seltirningar..En þeir hafa það fram yfir ykkur Reykvíkinga að þeir þurfa engan Besta flokk..Þeir segjast bara búa í besta bænum

Sigurbjörg Eiríksdóttir, 26.5.2010 kl. 11:38

Einhvern tíman gerðist það á Akureyri, að brjálaður hundur réðst á lítið barn. Það varð barninu til happs að þar nálægt var unglingspiltur, sem gat barið hundinn til ólífs með skóflu. Blaðamaður Dags, sem þá var enn við lýði, komst á snoðir um málið og hafði upp á "bjargvættinum" og tók hann tali.

Eftir stutt spjall, ákvað blaðamaðurinn að spyrja hvort að hann ætti að hafa fyrirsögnina á þann hátt að: "KA-maður hafi bjargað ungu barni frá óðum hundi. Pilturinn kvaðst nú ekki vera KA-maður og spurði því blaðamaðurinn hvort að hann ætti þá að hafa "Þórsari" í fyrirsögninni.

"Neinei svaraði pilturinn. Ég er bara gestur hér í bænum og held til hjá frændfólki mínu og kem úr Reykjavík.

Þessar upplýsingar urðu til þess að breyta fyrirsögninni á þann hátt að hún varð: "Vandræðaunglingur að sunnan drap besta vin mannsins".

Kristinn Karl Brynjarsson, 26.5.2010 kl. 12:05