Þæfa málið fram yfir þjóðaratkvæðagreiðslu

Björn Valur Gíslason kvartar sáran yfir samninganefndarmönnum til lausnar Icesave-deilunni sem reyna að koma viti fyrir stjórnvöld. Það virðist vera stjórnarsinnum þyrnir í augum að komast hjá að greiða hundruð milljarða króna að óþörfu.

Auðvitað á að þæfa málið fram yfir laugardaginn næst komandi og bíða þess að samninganefndin fái öflugt vopn í hendur; hið stóra NEI frá þjóðinni.

Trúnaðarbrestur í Icesave-samningum?

Athugasemdir

[Einar Solheim, 3.3.2010 kl. 14:13]

Þú misskilur þetta eins og flest annað.  Eftir að við höfum kosið og sagt NEI, þá höfum við ekkert vopn í höndunum lengur.  Vopnið sem við höfum nú er að þjóðin komi til með að segja nei.  Þegar þjóðin er búin að segja nei, höfum við ekkert.

[Geir Ágústsson, 3.3.2010 kl. 14:16]

Einar,

Engar skuldir þá? Íslendingar skulda ekki krónu vegna Icesave fyrr en Alþingi ákveður að svo sé, eins og raunin er reyndar í dag (Ólafur Ragnar ógilti engin lög).

[Heimir Lárusson Fjeldsted, 3.3.2010 kl. 14:17]

Segjum NEI og látum þá sækja á eftir lögformlegum leiðum. Þ.e. í Héraðsdómi Reykjavíkur í Austurstræti.